| e-texts navigator |
| Wylie |
29b1 ལས། བརྟན་པར་བཞུགས་ཤིང་ཕྱག་འཚལ་བའི་ལེའུ་སྟེ་དགུ་པའོ།། །། དེ་ནས་འཇིགས་བྱེད་ཀྱི་རྒྱལ་པོ་ཁྲག་འཐུང་ཆེན་པོ་དེས། རྣལ་འབྱོར་དམ་པ་རྣམས་ཀྱི་ཆེད་དུ། ཚོགས་ཀྱི་མཆོད་པ་འདི་གསུངས
29b2 སོ།། སྔོན་དུ་བྱ་བའི་ལས་བྱས་ནས།། ཚོགས་གཉིས་རྒྱུན་དུ་བསག་པ་དང་།། དངོས་གྲུབ་བླང་དང་ལས་འཆོལ་ཕྱིར།། ཚོགས་ཀྱི་མཆོད་པ་དུས་བཞིར་དབུལ།། ཞེས་བཀའ་སྩལ་ཏོ།། བྱིན་རླབས་ཧཱུཾ་ཕཊ་ལྡན་བྱས
29b3 ནས།། རྣལ་འབྱོར་བརྟན་པས་ཚོགས་གཉིས་བསག། ཞེས་ཀྱང་གསུངས་སོ།། ཧཱུཾ་མཆོད་པའི་ཕྱག་རྒྱ་ཆེན་པོ་འདི།། སེམས་ཀྱིས་ཡིད་བཞིན་སྤྲིན་ཚོགས་ཀྱིས།། ཕྱོགས་བཅུ་ཐམས་ཅད་སངས་རྒྱས་ཞིང་།། མཉམ
29b4 སྦྱོར་དགྱེས་པའི་མཆོད་པས་ཐིམ། ཧཱུཾ་ནམ་མཁའི་མཐའ་ཀླས་འཇིག་རྟེན་ན།། གཟུགས་སུ་སྣང་བ་ཇི་སྙེད་ཀུན།། སྐུ་མཆོག་ཕྱག་རྒྱ་ཆེན་པོ་སྟེ།། གཤིན་རྗེའི་གཤེད་པོ་འཁོར་བཅས་ལ།། མཚོན་བྱེད་གཟུགས་ཀྱི
29b5 མཆོད་པ་འབུལ།། སྐུ་མཆོག་ཕྱག་རྒྱས་མཉེས་གྱུར་ཅིག། ཧཱུཾ་ནམ་མཁའི་མཐའ་ཀླས་འཇིག་རྟེན་ན།། སྒྲ་རུ་སྣང་བ་ཇི་སྙེད་ཀུན།། གསུང་མཆོག་ཕྱག་རྒྱ་ཆེན་པོ་སྟེ།། རོ་ལངས་ཁྲོ་མོ་འཁོར་བཅས་ལ།། སྔགས་ཚིག
29b6 སྒྲ་ཡི་མཆོད་པ་འབུལ།། གསུང་མཆོག་དམ་པ་མཉེས་གྱུར་ཅིག། ཧཱུཾ་ནམ་མཁའི་མཐའ་ཀླས་འཇིག་རྟེན་ན།། སེམས་ཅན་ཀུན་གྱི་རྣམ་རྟོག་ཀུན།། ཏིང་འཛིན་འབུམ་ཕྲག་མཐའ་ཡས་ཏེ།། སྒེག་མོ་རལ་གཅིག་འཁོར
iiif viewer powered by OpenSeadragon
