| e-texts navigator |
| Wylie |
26b1 དབང་བསྐུར་བས།། བར་ཆོད་བགེགས་ཀྱིས་རྟོགས་པས་མི་ཚུགས་ཤིང་།། མཚན་མ་འཇོམས་པའི་དབང་མཆོག་ཐོབ་པར་ཤོག། ཨོཾ་བཛྲ་ཛ་ལ་རཾ་ཧུཾ། ཨ་བྷི་ཥིཉྩ་ཨ། དེ་ནས་འཁོར་ལོ་སོགས་ཕྱག་མཚན་གྱི་དབང
26b2 བསྐུར་བ་ནི། ཧཱུཾ་བདུད་དཔུང་གཡུལ་ལས་རྒྱལ་བའི་རྟགས་ཀྱི་ཕྱག་མཚན་ཏེ།། གདུག་པ་འདུལ་ཕྱིར་མཚོན་ཆ་སྣ་ཚོགས་བསྣམས།། འཁོར་ལོ་རལ་གྲི་ཐོ་བ་དང་།། ཐོད་པ་སྡིགས་མཛུབ་ཕུར་པ་སོགས།། གདུག
26b3 པའི་མཚོན་ཆ་སྣ་ཚོགས་ཀྱིས།། དཔའ་བོ་བདུད་ལས་ཀུན་ཏུ་རྒྱལ་བ་དང་།། ཚམ་རྔམས་རྟགས་ཀྱིས་དྲག་ཤུལ་འདུལ་བ་དང་།། ཉོན་མོངས་ཚར་གཅོད་གདུག་པ་ཀུན་འདུལ་བའི། ཁམས་གསུམ་དྲེགས་པ་ཀུན་ལས
26b4 རྒྱལ་བ་ཡི།། དབང་མཆོག་དམ་པ་ངེས་པ་ཐོབ་པར་ཤོག། ཨོཾ་བཛྲ་ཙཀྲ་ཁཌྒ། ཀ་པཱ་ལ། ཛེ་རུ་ཀི་ལ་ཡ་ཧཱུཾ། ཨ་བྷི་ཥིཉྩ་ཨ། ཞག་གི་ཚོམ་བུས་དབང་བསྐུར་བ།། ཧེ་རུ་ཀ་ཡི་གནས་བཅུ་དང་།། དུར་ཁྲོད་ཆེན་པོའི
26b5 གནས་བརྒྱད་ནས།། ཞིང་ཆེན་གསར་རྙིང་ཏི་རར་བཅས།། དམར་གྱི་ཨརྒྷཾ་རྒྱ་མཚོར་བསྒྲིལ།། ཞག་གི་ཚོམ་བུས་མཚོན་པ་ཡིས།། འདི་ཡང་སྔོན་གྱི་དམ་ཚིག་ལ།། འདི་ཡང་རྟགས་ཀྱི་ཕྱག་རྒྱ་སྟེ།། ཆོས་ཉིད་ཞག
26b6 གིས་བརྒྱན་པ་ཡི།། ཞག་གི་ཚོམ་བུས་དབང་བསྐུར་བས།། ཆོས་ཀྱི་དབྱིངས་སུ་རྒྱལ་བ་དང་།། གདུག་པ་ཐམས་ཅད་འདུལ་བ་དང་།། ཆེ་བའི་ཡོན་ཏན་རྒྱས་པ་ཡི།། ཆོས་ཉིད་ཞག་གི་དབང་ནི་ཐོབ་པར་ཤོག། ཨོཾ་མ
iiif viewer powered by OpenSeadragon
