| e-texts navigator |
| Wylie |
269a1 སོ་སོའི་བཙུན་མོ་ལ་དགྱེས་པ་ཆེན་པོའི་སྐུ་ཉམས་སུ་མྱོང་བར་གྱུར་ཏོ།། དེ་ནས་དེ་བཞིན་གཤེགས་པ་ཐམས་ཅད། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་བཙུན་མོའི་བྷ་ག
269a2 ལས་བཞེངས་ཏེ་འདི་སྐད་ཅེས་གསུངས་སོ།། དེ་བཞིན་གཤེགས་པ་ཐམས་ཅད་མཆོད་པའི་ཕྱིར། ཡུམ་གྱི་གསང་བ་བདེ་མཉམ་ལ།། མི་འགྱུར་དོན་གྱི་མཆོད་པ་བཞེས།། སྐུ་གསུང་ཐུགས་ཀྱི་དབྱིག་གྱུར་ཏོ།། ཨ་ལ
269a3 ལ་ཧོ།། ན་མཿསརྦ་ཏ་ཐཱ་ག་ཏ་བྷཱི་རོ་ཡ་བོ་དྷི་ཙིཏྟ་རཱ་ག་ཡཱ་མི། ཞེས་དགྱེས་པ་ཆེན་པོའི་ཕུལ་དུ་བྱོན་ཏོ།། དེ་ནས་དེ་བཞིན་གཤེགས་པ་ཐམས་ཅད། ཆོས་ཐམས་ཅད་དོན་དམ་པའི་ཁྲོ་བོར་བསྟན་ཏེ་འདི་སྐད་དོ།། ཁྱད
269a4 པར་རིམ་པ་བསྟན་པའི་ཁྲོ་གཉེར་ནི།། ཡེ་ཤེས་དབྱིངས་སུ་རྟོག་པ་ཆེ་བའི་ངང་། ཁྲོ་བོ་བརྒྱད་དང་དགུ་དང་སྟོང་རྩ་གཅིག། སྟོན་པ་མཆོད་ཕྱིར་ཁྲོ་བོ་གློག་ལྟར་འགྱུ། ཁྲ་དང་སྦྲང་གི་སྲིན་པོ་མུ་སྟེགས་རྣམས།། བདུད
269a5 དང་ལོག་འདྲེན་ཐམས་ཅད་ཚར་གཅད་ཕྱིར།། ཕྱོགས་བཅུ་ཀུན་ནས་འདུས་པའི་ཁྲོ་བོ་ཆེན་པོ་བཅུ།། ཚད་མེད་བཞི་ཡི་ཡེ་ཤེས་ཁྱད་པར་ལས།། སྙིང་རྗེ་ཆེན་པོས་འགྲོ་བའི་དོན་མཛད་ཕྱིར།། ཆོས་ཉིད་སྒྱུ་མ་ལྟ
269a6 བུའི་ཕྲིན་ལས་མཛད། ཁྲོ་བོའི་ཐུགས་རྗེ་ཆོས་ཉིད་རྣམ་པར་རོལ།། ཆོས་རྣམས་ཐམས་ཅད་བྱང་ཆུབ་སེམས་ཀྱི་ངང་།། ཆེ་བའི་ཡོན་ཏན་འབྱུང་བ་འདི་ཡིན་ནོ།། ཨཱ~ཾ་ཝཱ་གཱི་ཤྭ་རི་མུཾ་དང་དྲུག་གོ། ཡང་ན་རིགས་ལྔ
iiif viewer powered by OpenSeadragon
