| e-texts navigator |
| Wylie |
25b1 ལུས་ཐལ་བར་རློག། དེ་འདྲའི་དབང་མཆོག་ཐོབ་པར་ཤོག། ཨོཾ་ཡ་མ་བྷ་དྷ་བཱ་ཡ་ཧཱུཾ། ཨ་བྷི་ཥིཉྩ་ཨ། དེ་ནས་རྒྱན་ཆས་རྟགས་ཀྱི་དབང་བསྐུར་ཏེ། དང་པོ་ཐོད་རློན་ཕྲེང་བ་ཐོགས་ལ་འདི་སྐད་དོ།། ཧཱུཾ་དུང་ཆེན་ཁོང
25b2 སེང་དབང་པོ་ལྔ་དང་ལྡན།། སྐུ་གསུམ་ཚུལ་འཆང་སྐམ་རློན་ར་རིའི་ཚུལ།། འཁོར་བ་གནས་སྡུད་ཐབས་ཀྱི་ཕྲེང་བས་བརྒྱན།། ཁམས་གསུམ་དབང་ཕྱུག་ཐོད་ཕྲེང་དབང་བསྐུར་བས།། སྐུ་གསུང་ཐུགས་ཀྱི་དབང
25b3 མཆོག་ཐོབ་པར་ཤོག། ཨོཾ་པདྨ་བྷནྡྷ་ཀ་པཱ་ལ་ཧ་ཧ་ཧཱུཾ། ཨ་བྷི་ཥིཉྩ་ཧཱུཾ། དེ་ནས་སྦྲུལ་གྱི་ཆུན་པོས་དབང་བསྐུར་བ་འདི་སྐད་དོ།། ཐོད་སྦྲུལ་མཉེན་ལྕུག་འཇིགས་བྱེད་རྒྱན་དུ་ཆེ།། སྦྲུལ་ནག་སྟོང་གིས་བརྒྱན་པའི་རྔོམ
25b4 བརྗིད་ནི།། སྐུ་མཆོག་ཕྱིར་ཡང་སྐུ་ཡི་གནས་ལྔར་འཁྲིལ།། དུག་ལྔ་མ་སྤངས་དབང་གི་རྟགས་སུ་བསྟན།། མཉེན་ལྕུག་འཁྲིལ་ལྡེམ་ཞེ་སྡང་དྲག་པོ་འཇོམས།། རྫུ་འཕྲུལ་ཤུགས་ཀྱིས་ཀླུ་རྒྱལ་དབང་དུ་སྡུད།། གཏི
25b5 མུག་དབང་འདུལ་དབང་ཕྱུག་ཡིན་པའི་ཕྱིར།། སྦྲུལ་ནག་སྟོང་གི་ཆུན་པོས་དབང་བསྐུར་བས།། ཞེ་སྡང་དྲག་པོ་འབར་བའི་གནས་དག་ནས།། ཐབས་མཁས་རྒྱལ་བ་མཉེས་པའི་དབང་ཐོབ་ཤོག། ཨོཾ་བཛྲ་ནཱ་ག་རཱ་ཛ
25b6 ཧཱུཾ། རུ་ལུ་རུ་ལུ་ཧཱུཾ། ཨ་བྷི་ཥིཉྩ་ཨ། དེ་ནས་ཞིང་གི་གཡང་གཞིས་དབང་བསྐུར་བ། ཧཱུཾ་ཞིང་ལྤགས་རྟག་ཏུ་གསོལ་ཞིང་དུར་ཁྲོད་བདག། གཡང་གཞི་ཚེ་བདུག་སྐུད་པ་སྐེད་ལ་བཅིངས།། འཁོར་བ་མ་སྤངས་གནས་སུ
iiif viewer powered by OpenSeadragon
