| e-texts navigator |
| Wylie |
24b1 དཀྲིས།། མེ་ཏོག་འབྲས་བུ་རྣམས་ཀྱིས་བརྒྱན།། བདུད་རྩི་ལྔས་གང་བྱང་ཆུབ་སེམས།། སྨན་ལྔ་དྲི་ལྔ་རིན་ཆེན་ལྔ།། འབྲུ་ལྔ་ལྡན་པའི་བུམ་པ་ནི།། ལྷ་ཡི་གྲངས་དང་ལྡན་པ་དགོད།། བྱིན་གྱིས་བརླབས་ལ་དབང
24b2 བསྐུར་བྱའོ།། དེ་ལ་གནས་པའི་རིམ་པ་ནི།། གཤེད་པོ་ཡབ་ཡུམ་རིམ་གྱིས་ཚུལ་བཞིན་དགོད།། སྐུ་མདོག་དམར་ནག་རྒྱན་རྣམས་རྫོགས་པར་བཀོད།། ཅེས་གསུངས་སོ།། དེ་ལ་ལས་ཀྱི་རིམ་པ་ནི།། དཀྱིལ་འཁོར
24b3 ལྷ་རྣམས་མ་ལུས་བསྐྱེད།། སྙན་གསན་དབབ་དང་སྤྱན་དྲང་བརྟེན་པར་བཞུགས།། ཕྱག་འཚལ་བ་དང་མཆོད་ཅིང་བསྟོད།། འཛབ་བཟླས་བསྙེན་བསྒྲུབ་རྫོགས་པར་བྱ།། དེ་ནས་བུ་རྣམས་ཁྲུས་བྱས་ཏེ།། ཕྱག་འཚལ
24b4 གསོལ་བཏབ་རིམ་པར་རྫོགས།། བུམ་པ་དབུ་རྒྱན་ཅོད་པན་དང་།། རྡོ་རྗེ་དྲིལ་བུ་མིང་དང་ནི།། བརྟུལ་ཞུགས་མཐར་ཐུག་སྦྱིན་པར་བྱ།། རྣམ་གྲངས་རིམ་པ་ལྔ་ཡིས་རྫོགས་པར་བཤད།། དེ་ལ་རྡོ་རྗེ་སློབ་དཔོན
24b5 དབང་དང་འབར་བ་གིང་།། རྒྱན་ཆས་རྟགས་དང་བྱང་ཆུབ་སེམས།། དེ་ནས་འདི་སྐད་ཅེས་བཀའ་སྩལ་ཏོ།། སྔོན་དུ་བྱ་བའི་ལས་ཟིན་ནས།། རིམ་པ་རྫོགས་པར་བསྐུར་བར་བྱ།། ཞེས་གསུངས་སོ།། དེ་ནས་རྡོ་རྗེ
24b6 སློབ་དཔོན་དུ་དབང་བསྐུར་བ་ནི། ཧཱུཾ་དུས་གསུམ་བདེ་གཤེགས་མ་ལུས་མཁའ་ལ་འདྲེན།། ཤེས་པ་མཐོང་རྫོགས་ཡོན་ཏན་ལྷུན་གྱིས་གྲུབ།། སྡུག་བསྔལ་སྐྱོབ་མཛད་མ་རིག་འདྲེན་བྱེད་ཅིང་།། ཆོས་ཉིད་དོན་སྟོན་ཁ
iiif viewer powered by OpenSeadragon
