| e-texts navigator |
| Wylie |
23b1 རིག། དཔའ་བོ་ལྷ་རྗེས་བཤད་དུ་གསོལ།། ཞེས་གླེངས་སོ།། ཉོན་ཅིག་ཟུང་ཞིག་འདུས་པའི་ཚོགས།། འདི་ནི་ཤེས་པར་དཀའ་བའོ།། ཞེས་བཀའ་སྩལ་ཏོ།། འཁོར་ལོས་སྒྱུར་བའི་རྒྱལ་པོ་ཡི།། སུམ་ཅུ་རྩ་གཉིས
23b2 མཚན་ལྟ་བུ།། རང་ལ་གནས་པའི་དོན་བསྟན་ན།། སྐྱོན་ཡོན་སྣོད་དང་སློབ་དཔོན་དང་།། རྣམ་གྲངས་རིམ་པའི་དོན་བསྟན་པའོ།། དབང་བསྐུར་གནང་བ་མ་ཐོབ་པར།། གང་ཞིག་སྔགས་ལ་འཇུག་བྱེད་ཅིང་།། ཉན
23b3 ཅིང་སྒྲུབ་པར་བྱེད་པ་རྣམས།། འབྲས་བུ་མེད་ཅིང་བརླག་པར་འགྱུར།། དབང་མ་ཐོབ་པའི་གང་ཟག་ནི།། གཞན་གྱི་ཡོན་ཏན་གང་མངའ་ཡང་།། འཁོར་ལོ་སྲོག་ཤིང་མེད་པ་འདྲ།། དེ་བས་དབང་རྣམས་རིམ་པས
23b4 ནོས།། འཇམ་དཔལ་ང་ཡི་བཀའ་ལ་ཉོན།། ཞེས་གསུངས་སོ།། དེ་ནས་ཡང་གསུངས་པ། དབང་བསྐུར་གནང་བ་ཐོབ་གྱུར་ཅིང་།། རིམ་པ་ཡན་ལག་རྫོགས་པ་ཡིས།། ལས་རྣམས་མ་ལུས་འགྲུབ་པར་འགྱུར།། ཞེས
23b5 དཔའ་བོས་བཀའ་སྩལ་ཏོ།། ཇི་ལྟ་བུ་ལ་ཞུ་བ་བསྟན་པ་ནི།། ཤེས་རབ་ཡངས་པས་ཆོས་རྣམས་སྟོན།། བལྟ་བ་ཡངས་པས་ཕྱོགས་དང་བྲལ།། སྤྱོད་པ་མ་འགགས་ཐབས་སུ་སྦྱོར།། བསྒོམ་པ་སྲན་ཆེ་འགྱུར་བ
23b6 མེད།། དམ་ཚིག་གང་ཡང་མ་ཉམས་པ།། དེ་ནི་དབང་ནོད་སློབ་དཔོན་ནོ།། སློབ་མའི་མཚན་ཉིད་བསྟན་པ་ནི།། རང་བཞིན་བཟང་བས་ནམ་མཁའ་འདྲ།། སྤྱོད་པ་བཟང་བས་ས་གཞི་འདྲ།། དམ་ཚིག་འཇིགས་པའི
iiif viewer powered by OpenSeadragon
