| e-texts navigator |
| Wylie |
22a1 བཤད།། སུམ་ཅུ་གཉིས་ཀྱི་ཕྲེང་བ་འདི།། རྩ་བ་ཡིན་ཏེ་ཐམས་ཅད་བསྐྱེད།། སྙིང་པོར་གྱུར་པ་ཐམས་ཅད་འདུས།། ཨུར་མོ་ལྟ་བུ་དྲུག་པ་མེད།། ཅེས་གསུངས་སོ།། མཚན་མ་གསུམ་གྱིས་དགུག་པ
22a2 ཡང་།། དེ་བཞིན་སོ་སོ་གཞུག་ཏུ་སྦྱར།། དྲིལ་གཏོར་ཉིན་མཚན་གཉིས་ཀྱིས་དབྱེ།། ཐོག་མར་བསྡུ་བའི་སྙིང་པོ་ཧཱུཾ།། དེ་འོག་ཨུཥྨའི་འདི་ནས་སྭ་ཧཱ་བར་དཔྱད་དགོས་གསུམ་པ་སྟེ།། དེ་རྗེས་ལྔ་པའི་ཐ་མར་གཞག། དྲུག་པའི
22a3 དང་པོ་ཉེ་བ་སྟེ།། དེ་འོག་ལྔ་པའི་ཐ་མར་གཞག། དེ་རྗེས་དྲུག་པའི་དང་པོ་སྦྱིན།། དེར་ཀྱང་དྲུག་པའི་དང་པོ་སྟེ།། དེ་འོག་ལྔ་པའི་ཐ་མ་སྦྱིན།། དེ་རྗེས་གཉིས་པའི་དང་པོ་ལ།། དབྱངས་ཀྱིས་གསུམ་པས་སྟེང་ནས
22a4 བརྒྱན།། དེ་འོག་བཞི་པའི་དང་པོ་སྦྱིན།། དེ་རྗེས་ལྔ་པའི་གསུམ་པ་སྟེ།། གཉིས་པའི་གསུམ་པ་ཉེར་སྦྱར་ལ།། དབྱངས་ཀྱི་ལྔ་པས་འོག་ནས་བརྒྱན།། དེ་རྗེས་བདུན་པའི་གཉིས་པ་སྟེ།། དེ་འོག་གཉིས་པའི་བཞི་པ
22a5 གཉིས།། དེ་གཉིས་ཉེ་བར་བསྟན་པ་ནི།། མཚན་མ་གསུམ་གྱིས་འགུགས་པའི་མཆོག། ཧཱུཾ་དང་ཕཊ་དང་སྭཱ་ཧཱ་རྣམས།། སྐབས་ཀྱི་ཡང་དག་ལས་སུ་བཤད།། ཐུན་མོང་མཆོག་གི་དངོས་གྲུབ་འབྱུང་།། དགུག་པ་ཀུན
22a6 གྱི་རྗེས་སུ་འཇུག། ཅེས་གསུངས་སོ།། དེ་ནས་ཡང་གསང་བའི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ།། རྩ་བའི་དོན་ལ་ལོ་མ་མཚོན།། རིན་ཆེན་མེ་དང་འདྲ་བ་ཡི།། བཅུ་བདུན་སྔགས་ཀྱི་ཕྲེང་བ
iiif viewer powered by OpenSeadragon
