| e-texts navigator |
| Wylie |
21a1 ཅིག་ཟུང་ཞིག་རྡོ་རྗེ་འཛིན།། འདུས་པའི་ཚོགས་དང་བཅས་པ་ཉོན།། ཉེ་བར་བསྙེན་པའི་བཟླས་པའི་ཚུལ།། ལྕེ་ཡི་ལྡན་པས་ལྡོག་ཅིང་འབྲེལ།། སེམས་ཀྱི་དབང་པོས་བསྐུལ་ཞིང་དབང་།། དམིགས
21a2 པའི་དོན་ཀུན་ཕྱག་རྒྱར་རྫོགས།། ཡོན་ཏན་ཀུན་འདུས་དེ་ཡིས་བསྐྱེད།། ཅེས་གསུངས་སོ།། དེ་ཉིད་བརྗོད་པ་འདི་ཡིན་ནོ།། ཡོན་ཏན་ལྔ་ལྡན་སྙིང་པོ་གཞག། དེ་འོག་དྲུག་པའི་དང་པོ་གཞག། དེ་རྗེས་ལྔ་པའི་ཐ་མ
21a3 སྟེ།། དེ་རྗེས་དྲུག་པའི་གཉིས་པ་ལ།། དེ་ལ་དབྱངས་ཀྱི་གཉིས་པའོ།། དེ་འོག་གཉིས་པའི་གསུམ་པ་གཞག། དེ་ནས་བདུན་པའི་གསུམ་པ་སྟེ།། དེ་འོག་བཞི་པའི་གསུམ་པ་གཞག། བཅུ་གསུམ་པ་ཡིས་སྟེང་ནས
21a4 བརྒྱན།། དེ་འོག་ལྔ་པའི་ཐ་མ་གཞག། བཅུ་གཅིག་པ་ཡིས་སྟེང་ནས་བརྒྱན།། དེ་འོག་དྲུག་པའི་དང་པོ་གཞག། དེ་ནས་བསྡུ་བའི་ཡི་གེ་སྟེ།། འཕེན་པའི་ཡི་གེ་རྗེས་མའོ།། དེ་ནས་གཉིས་པའི་ཕྲེང་བ་བསྟན་པ་ནི། སྒྲ
21a5 ཡི་དྲུག་པའི་དང་པོར་གཞག། དེ་རྗེས་ལྔ་པའི་ཐ་མར་ཏེ།། བཅུ་གཅིག་པ་ཡིས་སྟེང་ནས་བརྒྱན།། དེ་འོག་བཞི་པའི་གསུམ་པ་ཡིན།། བཅུ་གསུམ་པ་ཡིས་སྟེང་ནས་བརྒྱན།། དེ་འོག་དྲུག་པའི་གཉིས་པ
21a6 གཞག། དབྱངས་ཀྱི་ལྔ་པས་འོག་ནས་སྤྲས།། དེ་ལ་གསུམ་པའི་ཐ་མ་གཞག། དྲུག་པའི་དང་པོ་དེ་ཡི་འོག། བཅུ་གསུམ་པ་ཡིས་སྟེང་ནས་སོ།། དེ་ལ་བཞི་པའི་གསུམ་པོ་གཞག། དེ་རྗེས་དྲུག་པའི་དང་པོའོ།། སྡུད
iiif viewer powered by OpenSeadragon
