| e-texts navigator |
| Wylie |
182a1 བཏུལ་ཏེ་དུར་ཁྲོད་ཆེན་པོར་གསུངས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གོ་བདུན་པའོ།། །། དུས་ནི་ལྔ་བརྒྱ་ཕྲག་བཅུ་ཟད་ཙམ་ན།། རིག་འཛིན་ཀུན་གྱི
182a2 དངོས་གྲུབ་ཡལ་ཙམ་ན།། དུས་གསུམ་སངས་རྒྱས་སྤྲུལ་པ་འཇིག་རྟེན་པ།། དྲེགས་པའི་དྲག་སྔགས་འདི་ཉིད་དར།། དེ་ཡི་དུས་སུ་དྲེགས་པ་ཅན་ཁྱེད་རྣམས་ཀྱིས།། རྣལ་འབྱོར་པ་དམ་ལ་གནས་པ་རྣམས་བསྲུང་བ
182a3 དང་། བསྐྱབས་པ་དང་། ལས་བྱ་བ་ཅི་བཅོལ་བ་དང་། འཁོར་དང་ནོར་སྤེལ་བ་དང་། ཅི་ལ་ཅི་བསྐོས་པ་དེ་ལྟར་གྱིས་ཤིག། མཐུ་སྟོབས་ཀྱི་བདག་པོས་དབང་མཛོད་ལ། གང་ཞིག་སློབ་དཔོན་སྤང་བ། དམ་ལ་མི
182a4 གནས་པ། དྲེགས་པ་ཅན། རང་དོན་ལ་དམིགས་པ། དེ་དག་ལ་ལྷ་སྲིན་གྱིས་ཆད་པས་ཆོད་ཅིག། དམ་ཚིག་དང་ལྡན་པ་རྣམས་ཀྱི་ལས་མི་བྱེད་ན།། ཕྱག་ན་རྡོ་རྗེས་མགོ་ཁོས་ཤིག། ཅེས་གསུངས་སོ།། དཔལ་དྲག
182a5 སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དུས་གར་དར་དང་། ལྷ་སྲིན་ལ་བཀའ་བསྒོ་བའི་ལེའུ་སྟེ་གོ་བརྒྱད་པའོ།། །། དེ་ནས་ཡང་བཅོམ་ལྡན་འདས་ཉིད་ཀྱིས་འདི་སྐད་ཅེས་གསུངས
182a6 སོ།། ཆོས་ཉིད་རང་བཞིན་ཡེ་ནས་ལྷུན་གྲུབ་པ།། ཡེ་ཤེས་དཀྱིལ་འཁོར་རང་བྱུང་ཆེན་པོར་ཤར།། གདུག་པ་འདུལ་ཕྱིར་དྲེགས་པའི་སྲོག་སྙིང་ཕྲོགས།། བསྟན་བསྲུང་ཐ་མར་གསང་བདག་ཁྱོད་ཉིད་དང་།། ལྷ་དང
iiif viewer powered by OpenSeadragon
