| e-texts navigator |
| Wylie |
181b1 དང་། རྟ་ནག་ལུག་ནག་ཀྲུང་ཀའི་སྙིང་དང་། བྱ་སེ་བོའི་ཐོད་པ་དང་། བྱ་སེ་ལུག་སེ་གྲོ་བོའི་སྙིང་དང་། ཁྱི་དཀར་པོའི་ཐོད་པ་དང་། བྱ་དཀར་ཁྱི་དཀར་སྤྲེའུ་དང་། བྱི་ལ་དང་ར་དཀར་རོ།། དཔལ་དྲག་སྔགས་ཟླ
181b2 གསང་ནག་པོ་བཤན་པ་སྤུ་གྲིའི་རྒྱུད་ལས། གཏའ་རྫས་དང་སྒྲུབ་རྫས་ཀྱི་ལེའུ་སྟེ་གོ་ལྔ་པའོ།། །། དེ་ནས་སྲོག་རྟེན་བཅའ་བར་རས་སམ་རྒྱ་ཤོག་ལ་འཁོར་ལོ་རྩིབས་བརྒྱད་དུ་བྱའོ།། དབུས་ཟླུམ་པོར
181b3 བཞག། འཁོར་ལོ་ལ་བོད་སྔགས་བྲི། ཁྱུད་བསྐོར་དུ་རྦད་སྔགས་བྲི། མེ་རིས་བསྐོར་ཏེ་དབུས་སུ་བླ་རྡོ་བཀླུབས་ལ། བུ་མོ་མཚན་ལྡན་མའི་སྙིང་ལྤགས་སུ་ཕུར་ལ། ག་བུར། འུར། བཅུག་ལ་དབུས་སུ་གཞག
181b4 གོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྲོག་རྟེན་བཅའ་བའི་ལེའུ་སྟེ་གོ་དྲུག་པའོ།། །། དེ་ནས་ལག་ན་རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ། བཅོམ་ལྡན་འདས་དྲག
181b5 སྔགས་མགུར་དུ་དྲིལ་བ་བཤན་པ་སྤུ་གྲིའི་རྒྱུད་ལས་དང་པོ་ཇི་ལྟར་བྱུང་ཞིང་གང་ལས་བརྒྱུད། ཐ་མ་དར་དུས་ཇི་ལྟར་ཡིན། ཡོངས་སུ་རྫོགས་པའི་གཏད་ས་གང་།། ཞེས་ཞུས་པས། ཉོན་ཅིག། ཐུགས་རྗེ་ཆེན་པོ་དང
181b6 ལྡན་ཆོས་ཀྱི་སྐུ།། མཉམ་པ་ཆེན་པོ་ཀུན་བཟང་སྐུ་དེ་ཡིས།། བསྟན་པ་རིན་པོ་ཆེ་ལ་རབ་ཏུ་དགོངས།། དུས་ངན་ལས་ཀྱིས་མནར་བས་ཞིང་བཅུ་གདུལ་སླད་དུ།། གུར་གུམ་འདྲ་ལས་ཆུ་ནག་ལྟ་བུར་སྤྲུལ།། དྲེགས་པ
iiif viewer powered by OpenSeadragon
