| e-texts navigator |
| Wylie |
179b1 ཡིན། བཅའ་བ་ནི་ལུག་གི་སྙིང་དུ་བཅུག་ལ། ར་རུ་དུ་ཞེས་པའི་སྔགས་དང་བཅས་པ་དར་ནག་ཁུག་མར་གཞུག་གོ། འཁུ་ན་བླ་རྡོ་འོག་ཏུ་གཞུག་གོ། དེ་ནི་སྲོག་ཟིན་པ་ཡིན་ནོ།། དཔལ་དྲག་སྔགས་ཟླ་གསང་ནག་པོ
179b2 བཤན་པ་སྤུ་གྲིའི་རྒྱུད་ལས། བདུད་ཀྱི་སྲོག་དང་བླ་རྡོའི་ལེའུ་སྟེ་གྱ་བདུན་པའོ།། །། བཙན་ནི་ནགས་ཚལ་མེའི་དགོན་པར་གནས། བླ་རྡོ་མེ་རྡོ་མཆིན་ཁ་ཡིན། སྲོག་ནི་ཛ་ཤུ་ཡ་ཞེས་བྲིས་ཏེ། ར་དམར་སྙིང་དུ
179b3 བཅུག་ལ། དར་ལེབ་རྒན་གྱིས་གྲིལ་ལོ།། འཁུ་ན་གོང་ལྟར་བྱ། མ་མོ་ནི་དུག་མཚོ་མེར་བའི་ནང་ན་གནས། བླ་རྡོ་ནི་གཡུ་རྡོ་ཡིན། སྲོག་ནི་མ་མ་རུ་ལུ་ཞེས་བྲིས་ཏེ། བྱ་ནག་གསེར་མིག་གི་སྙིང་དུ་བྲུབ་ལ། དར་སྔོན
179b4 ནང་དུ་གྲིལ་བྱའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་དང་མ་མོ་སྲོག་བཟུང་བའི་ལེའུ་སྟེ་གྱ་བརྒྱད་པའོ།། །། དེ་ནས་གཟའི་གནས་ནི་རི་རབ་ཀྱི་ཟོམ་ན་གནས། བླ་རྡོ
179b5 ནི་དཀར་ཕྲ་མེན་ཡིན། སྲོག་ནི་ར་ཀེ་ཏེ་སྭཱ་ཧཱ། ཞེས་པ་ར་རོག་གི་སྙིང་ཁུག་ཏུ་བཅུག་ལ། དར་ནག་ཏུ་གྲིལ་ཏེ་འཁུ་ན་གོང་ལྟར་བྱའོ།། ལྷ་དབང་ཕྱུག་ཆེན་པོ་ནི་འདོད་ཁམས་ཀྱི་ཡ་ཐ་ན་གནས། བླ་རྡོ་ཕ་བོང་ལོང་བུ
179b6 ཡིན། སྲོག་ནི་ཨ་དེ་ཝ་ཞེས་བྲིས་ནས། དར་སྤུག་པོས་གཏུམ་མོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལྷ་རྒོད་གཟའ་རྒོད་སྲོག་བཟུང་བའི་ལེའུ་སྟེ་གྱ་དགུ་པའོ།། །། དེ་ནས
iiif viewer powered by OpenSeadragon
