| e-texts navigator |
| Wylie |
179a1 ལེའུ་སྟེ་གྱ་བཞི་པའོ།། །། དེ་ནས་ཡང་རི་བོང་གི་ཤ་དང་། འུག་པའི་ཤ་སྐྱེར་པ་རློན་པའི་དུ་བས་བདུགས་ཏེ་བཏབ་ན། ཟ་འཕྲུག་གིས་འགུམ་མོ།། དུག་མུ་ཟི་དང་དྲོད་སྨན་སྦྱར་ཏེ་བཏབ་ན་མིག
179a2 ལོང་ངོ་། ཁ་ཤོག་པ་དང་། མགོ་འཁོར་བའི་རྫས། ལྷང་ཙེར་མདུག་ལ་སྦྱར་ན་སྤྱོ་བར་འགྱུར་རོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གྱ་ལྔ་པའོ།། །། དེ་ནས་ལག་ན
179a3 རྡོ་རྗེས་འདི་སྐད་ཅེས་གསོལ་ཏོ།། ཀྱེ་ཀྱེ་དཔལ་འབར་ཁྲོ་བདག་རྗེ།། གདུག་བྱེད་ལྷ་སྲིན་འདི་དག་ལ།། གནད་དང་གཙུན་ཐབས་ཇི་ལྟ་བུ།། སྲོག་དང་བླ་རྡོ་ཇི་ལྟར་ལགས།། གཏད་ཐབས་དྲག་པོར་བསྡུས་པ
179a4 གང་།། ཞེས་ཞུས་པས་བཀའ་སྩལ་པ། ལེགས་སོ་ཕྱི་རབས་དོན་དུ་ལག་ན་རྡོ་རྗེས་ཞུས་པ་ལེགས་པས། ལྔ་བརྒྱ་དུས་ཀྱིས་ཉེན་པ་ལ། དྲེགས་པ་ཁུགས་སུ་མ་བྱུང་ན། སྲོག་བཙོན་དུ་བཟུང་བ་དང་ཤིས་བཤད་དེ།
179a5 གཤིན་རྗེ་ནག་པོའི་སྲོག་ནི་གཤིན་ཡུལ་དམེ་ནག་ན་ཡོད་དེ། ལྕགས་ཀྱི་སྡིག་པར་གནས་སོ།། གའུ་བཅའ་བར་མ་བཤད་དོ།། གསང་སྔགས་གོ་བཟློག་གནད་ཀྱི་མཆོག་ཡིན་ནོ།། དཔལ་དྲག་སྔགས་ཟླ་གསང་ནག
179a6 པོ་བཤན་པ་སྤུ་གྲིའི་རྒྱུད་ལས། ལེའུ་སྟེ་གྱ་དྲུག་པའོ།། །། དེ་ནས་བདུད་ཐམས་ཅད་ནི་སྲོག་གཅིག་ཏུ་གནས་སོ།། གནས་ནི་བྲག་ནག་སྤུངས་པའི་རི་རབ་ན་གནས། བླ་རྡོ་ནི་རྡོ་ནག་པོ་སྣག་ཚ་འདྲ་བ་རྡོ་སོལ
iiif viewer powered by OpenSeadragon
