| e-texts navigator |
| Wylie |
177b1 མཁར་ལ་བརྒྱབ་ན་འཇིག་པར་འགྱུར་རོ།། ཐོག་འབེབས་པར་འདོད་ན། སྲིན་རྡོ། གདུང་ཆེན། ན་རི་རཾ་རྣམས་ཐོད་པ་དུམ་གསུམ་དུ་བླུགས་པར་ཡུགས་སའི་ཁྲག་དང་སྦྱར་ཏེ་སྔགས་དང་བཅས་པས་ལྷ་རྟེན་འོག་ཏུ
177b2 སྦས་ན་ཐོག་འབེབས་པར་འགྱུར་རོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཐོག་འབེབས་པའི་ལེའུ་སྟེ་གྱ་གཉིས་པའོ།། །། དེ་ནས་ཡང་བཅོམ་ལྡན་འདས་ཀྱིས་གདུག་པ་ཀླུའི་ཟླ
177b3 གསང་འདི་གསུངས་སོ།། བདག་ཉིད་ཁྱུང་གི་ང་རྒྱལ་གྱིས་སྔགས་འདི་བཟླ་བར་བྱ་སྟེ། ན་དུ་ཏྲོ་ས་ན་དྷི་ས་ལ་དུ་ས་ནི་པ་ར་སི་ཏི་སྭཱ་ཧཱ། ཁྲོས་པའི་ང་རྒྱལ་གྱིས། ཏ་ཀི་ཛ་དེ་བྱི་ཛཿདེ་ཧཱ་ཡ་ཧཱུ་ཡ། ཧུ་ལུ་ཧུ་ལུ་སུ་རུ་ཏེ
177b4 སུ་རུ་སྭཱ་ཧཱ། དེ་ནས་རང་ཉིད་རྡོ་རྗེའི་བྱ་ཁྱུང་དུ་བསྐྱེད་ལ། སྤྱན་དྲངས་ཤིང་། བཞུགས་སུ་གསོལ་བ། ཕྱག་བྱ་བ། མཆོད་ཅིང་བསྟོད་པ་དང་བཟླས་པ་དང་བ་ལི་དང་དཀར་གསུམ་འབྲུ་སྨན་གྱིས་མཆོད་ཅིང་། ཨོཾ་རཱ
177b5 ཛ་མ་ཧཱ་ག་རུ་ཊ། ཧཱུཾ་བ་ལི་པཱ་ཛ་བ་ལིནྟ་ཁཱ་ཧི། ཞེས་དབུལ་ལོ།། དེ་ནས་སྔགས་འདི་རྒྱུན་དུ་བཟླ། ཨོད་ཀཾ་ཨོད་ཀཾ་ཁྱུང་ཀ་ར་ཁྱུང་ཀ་ར། ཤ་མ་ར་དབྱིག་དུ། ཨོཾ་བཛྲ་མ་ཧཱ་ཀྲོ་དྷ་ཧཱུཾ་ཕཊ། མཁའ་ལྡིང་གསོ་བའི་ལས་ཀྱི
177b6 མཆོད་པ་དང་བསྟོད་པ་ལའང་འབད་པར་བྱའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཀླུ་སྒྲུབ་ཀྱི་ལེའུ་སྟེ་གྱ་གསུམ་པའོ།། །། དེ་ནས་ཡང་ཀླུའི་དཀྱིལ་འཁོར་དུ་དབང་བསྐུར་བའི
iiif viewer powered by OpenSeadragon
