| e-texts navigator |
| Wylie |
174b1 གནས་བཙལ་ཏེ། དཀྱིལ་འཁོར་མཐིང་ནག་གྲུ་གསུམ་བྱས་ལ། འཁོར་ལོ་རྩིབས་བཞི་དང་ཐོད་ཕྲེང་གིས་འཁོར་བར་བྲིས་ལ། མཆོག་གི་ཕུར་པ་དགུ་ལ་སྲོག་བདག་ཆེན་པོའི་སྔགས་བྲིས་ལ། དབུས་སུ་དཀར་པོ
174b2 སྙིང་འབྱིན་དགོད། ཤར་དུ་ཁུ་ལེ་དགོད། ལྷོ་རུ་ཨག་གེ་དགོད། ནུབ་ཏུ་ཨུག་གེ་དགོད། བྱང་དུ་དྲང་ཟེ་དགོད། ཤར་ལྷོར་ཤང་ཟེ། ལྷོ་ནུབ་ཏུ་ད་ཁོད། ནུབ་བྱང་དུ་ནི་ཁོད། བྱང་ཤར་དུ་ཉི་ཟླ་དགོད། ལུག་གི་སྙིང
174b3 སྲོག་པ་རྩ་དང་མ་བྲལ་བར་དགྲ་བོའི་མིང་བྱང་གཞུག་དར་དཀར་གུར་ཕུབ། ཤར་དུ་ཁྲག་སྣའི་གཏོར་མ། ལྷོར་ཤ་སྣའི་གཏོར་མ། ནུབ་ཏུ་རུས་པ། བྱང་དུ་ཁྲག་སྣ། སྒོ་བཞིར་ཡང་ཤར་དུ་མཆིན་པ། ལྷོར་ཤ་ཆེན།
174b4 ནུབ་ཏུ་མཆེར་པ། བྱང་སྒོར་ཚིལ་བུ། བཤོས་བུ་མ། ཁྱིད་རེ་བ་དགུ། མྱུག་རྒོད་རེ་རེ། ཕོད་དཀར་རེ་རེ། མིང་བྱང་རེ་རེའོ།། བག་ཟན་ལ་གཟུགས་བྱས་ཏེ། ཤར་དུ་ལུག་ལྷོར་བྱ། ནུབ་ཏུ་ར། བྱང་དུ་ཁྱི་བྱས་ལ་མི
174b5 རུས་རེ་རེ་སྐེར་གདགས་སོ།། དཀྱིལ་འཁོར་གྱི་ལྷོ་ནུབ་ཏུ་འབྲུབ་ཁུང་དུ་དམ་སྲིའི་གཟུགས་མིང་རུས་གཞུག་བྱང་ཤར་དུ་ཤ་ཁྲག་གི་གཏོར་མ་ལ་ཚིལ་ཆེན་གྱི་ཞལ་ཁེབས་བྱའོ།། དཔལ་དྲག་སྔགས་ཟླ་གསང་ནག་པོ
174b6 བཤན་པ་སྤུ་གྲིའི་རྒྱུད་ལས། སྲོག་ཟན་ཆེན་པོ་བསྒྲུབ་པའི་ལེའུ་སྟེ་དོན་བཞི་པའོ།། །། དེ་ནས་བདག་ཉིད་ཡ་མཱནྟ་ཀར་བསྒོམས་ལ། དྲག་སྔགས་འདི་དག་གོ། ཨོཾ་འབྲ་ཤ་མ་ཧཱ་རཱ་ཛ་སྭཱ་ཧ། ཨོཾ་ཁུ་ལེ་མ་ཧཱ་བེ་ར
iiif viewer powered by OpenSeadragon
