| e-texts navigator |
| Wylie |
172a1 བོ།། དུག་སྣ་ཚོགས་དང་ཁྲག་ཏུ་སྦྱར་ཏེ། རིམས་ཁྲག་དང་། ཁྱི་ལུད་དཀར་པོས་སྦྱར་བ་ཀླུ་ཡོད་པའི་ཆུ་མིག་ཏུ་བླུགས་ན་རིམས་འབེབས་སོ།། ཁྱི་ལུད་ལོ་ལོན་པ་བརྩེགས་པའི་ཁར། རྡོ་ཏི་ཚ་དང་། དྷ
172a2 དུ་ར་བཞག་སྟེ་མེ་བུས་ནས། རླུང་ཕྱོགས་སུ་འགུལ་ཚད་རིམ་གྱིས་བཏབ་ནས། འགུམ་མོ། མཛེ་ཁྲག་སྐམ་པོ་དང་། རྟ་ཞོ་བཏང་ན་མཛེས་འཛིན་ནོ།། ཕག་ཤ་དང་ཉ་ཤ་ཐང་ཕྲོམ་ནག་པོས་བཙོས་པ་བཏབ་ན་ལུས
172a3 སྒྲསྐྲང་ཏེ་འགུམ་མོ།། སྔགས་སྟོང་སྟོང་ངོ་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ནད་བདག་མོའི་ལེའུ་སྟེ་རེ་དགུ་པའོ།། །། དེ་ནས་ཡང་བཅོམ་ལྡན་འདས་ཉིད་ཀྱིས།། སྒྲོ་འབོག་གི
172a4 ལས་བྱ་བའི་ཕྱིར། སྲོག་བདག་གི་ལས་འདི་གསུངས་སོ།། གནས་ནི་རི་བདུན་རྩེའམ་ལྷ་ཁང་ངམ་བྲག་དཀར་པོར་བསྒྲུབ་ཏེ། དར་རས་གཙང་མའམ། གྲ་ཕྱིང་གཙང་མ་བཏིང་ལ་འབྲུ་སྣའི་བཅལ་གཅལ་ཡང
172a5 དགྲམ། ག་པུར་དང་། སྤོས་རྣམས་བཀྲམ་ལ། དར་དཀར་གུར་དབུབ་བོ།། ལྷ་བཤོས་རི་བོ་འདྲ་བ་ལ་མར་བྱུག། སྨྱུག་མ་ཚིགས་གསུམ་པོ་ལ་བྱ་རྒོད་ཟེར་མོའི་ཕོད་དང་། དར། ཟ་འོག་གསེར། བ་སེ། མུ་ཏིག
172a6 ལྤགས་བུ་དཀར་པོ་གཟུག་གོ། དེ་ནས་གཏོར་མ་ནི། ཆན་ཐུག་ཁུར་བ། ཐུད་ཕྲོམ། དཀར་གསུམ། མངར་གསུམ། སྤྱན་གཟིགས་རྣམས་ལ། སྲོག་བདག་ཉིད་ཙ་ཀ་ལིར་བཙུགས་ལ། བདག་ཉིད་གཤིན་རྗེ་གཤེད་དུ
iiif viewer powered by OpenSeadragon
