| e-texts navigator |
| Wylie |
165b1 བྲེང་བྲེང་བྲུཾ་བྷྱོ་ཛ་ཛཿའདི་དག་རབ་ཏུ་ཟབ་པའོ།། ཤིན་ཏུ་གསང་ཞིང་ལིངྒ་ཕུར་པས་བརྡུང་།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲག་པོ་ཤུ་བོ་སྲོག་གཅོད་ཀྱི་ལེའུ་སྟེ་ཞེ་ལྔ
165b2 པའོ།། །། དེ་ནས་བཅོམ་ལྡན་འདས་ཉིད་ཀྱིས་དྲག་པོའི་ལས་ཁ་འདི་གསུངས་སོ།། བཙན་གྱི་དྲག་སྔགས་བཟླས་པ་དེ།། རི་ལ་སྦས་ན་རི་མེས་ཚིག་པར་འགྱུར། རྒྱ་མཚོའམ་ཆུ་མིག་ཏུ་སྦས་ན་ཆུ་སྐམ། དགྲ
165b3 བོཔོའི་ཁང་པ་ལ་སྦས་ན་ཁྱིམ་འཚིག་གོ། སྔགས་དེ་ཉིད་འུ་ཟུ་ལ་བཟླས་པ་སྟོང་བྱས་ཏེ་བྱིན་ན་སྒྲོ་འབོག་གོ། ཛའི་འབྲས་ལ་བཟླས་ཏེ་གཏོར་ན་སྦྲུལ་མི་ཟན་ཁྱིམ་དུ་འོང་ངོ་།། དཔལ་དྲག་སྔགས་ཟླ་གསང་ནག་པོ
165b4 བཤན་པ་སྤུ་གྲིའི་རྒྱུད་ལས། བཙན་གྱི་ལས་ཁ་བསྟན་པའི་ལེའུ་སྟེ་ཞེ་དྲུག་པའོ།། །། དེ་ནས་བཅོམ་ལྡན་འདས་ཀྱིས་ཆུ་འཁྱགས་དྲག་ཏུ་དབབ་པ་དང་། སྲོག་ལ་ཆད་པ་དབབ་པའི་ཕྱིར། ཁྱབ་འཇུག་གཟའི
165b5 སྒྲུབ་ཐབས་དག་གསུངས་སོ།། ཡིད་དང་མཐུན་པའི་གནས་བཟུང་ལ།། ས་ཆོ་ག་ལ་སོགས་གཏོར་མ་གཏང་།། ཚེས་གྲངས་དུས་ཚོད་འདི་ལྟ་སྟེ།། རྒྱུ་དང་འཇུག་དང་གནས་པ་དང་།། སླར་ལ་བཟློག་པའི་དུས་ཤེས
165b6 བྱ།། མ་མོ་དགྲ་ལྷའི་རྒྱལ་མོ་དང་།། བདུད་དང་སྲིན་མོ་རྨུ་དག་དང་།། གཤིན་རྗེ་དག་དང་ཀླུ་བཙན་དང་།། བགེགས་ཀྱི་བསྡོང་ཟླ་ཤེས་པར་བྱ།། དུས་ཆེན་བརྒྱད་ལ་རྟགས་ཆེན་བརྒྱད་དག་བཟུང་།། དེ་ནས་དྲག
iiif viewer powered by OpenSeadragon
