| e-texts navigator |
| Wylie |
164a1 དགྲ་ལ་ཡ།། བྱས་ལ་ཕུད་གཏོར་རྦོད་གཏོང་བྱའོ།། དཔལ་དྲགས་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བཙན་བསྐུལ་བའི་ལེའུ་སྟེ་ཞེ་གཅིག་པའོ།། །། དེ་ནས་བཅོམ་ལྡན་འདས
164a2 ཉིད་ཀྱིས་འབྱུང་བའི་བཙན་སྲོག་ལན་ཁྲག་སྐྱུག་བསྒྲུབ་པ་འདི་གསུངས་སོ།། གོང་གསུམ་ཁའམ་བྲག་དམར་རྩར།། དཀྱིལ་འཁོར་འདོམ་གང་གྲུ་བཞི་ལ།། དུག་དང་ཁྲག་གིས་ཆག་ཆག་གདབ།། དབུས་སུ་གྲུ
164a3 གསུམ་ཐུར་དུ་བརྐོ།། ཟླ་གམ་དམར་པོ་གསུམ་གྱིས་བསྐོར།། ཕྱི་རིམ་འཛམ་བུ་གླིང་བཞི་བྲི།། ལྕགས་རི་དག་ལ་མེ་འོད་བྲི།། དབུས་སུ་གཤེད་པོ་ཉིད་དགོད་དོ།། ཟླ་གམ་གསུམ་ལ་ཡུམ་སྲས་དགོད།། ཤར་དུ་ས
164a4 བཙན་རྡོ་རྗེ་རེག་བྱ་གསེར་མིག་དགོད།། ལྷོ་རུ་མེ་བཙན་རྡོ་རྗེ་གྲགས་མཆོག་དགོད།། ནུབ་ཏུ་ཆུ་བཙན་རྡོ་རྗེ་མགྱོགས་བྱེད་རྩ་ལ་དགོད།། བྱང་དུ་རླུང་བཙན་རྡོ་རྗེ་ཤུ་བོ་དགོད།། མི་ཤ་རྟ་ཤའི་གཏོར་མ་ཡབ་ཡུམ་ལ
164a5 དགོད་དེ། བཙན་བཞི་ལ་གཏོར་མ་བཞི་དགོད་དོ།། ར་དམར་པོའི་སྙིང་དང་། བྱ་སེ་བོ་དང་། རྟ་མཚལ་ལུའི་སྙིང་རྣམས་དགོད་དོ།། མདའ་བྱ་རྒོད་མ་ལ་དར་དམར་པོ་བཏགས་ལ། རྟག་ཏུ་གཡབ་བོ།། མུ་སུ
164a6 རའི་ཐོད་པར་རྡོ་སོལ་སྨྲ་བ་མུ་ཟི་དང་། ཏིལ་མར་དག་ནི་གཞག་པར་བྱའོ།། གྲི་བོའི་ཐོད་པར་བཙན་གྱི་ཐ་རམ་བཅས།། རྟག་ཏུ་ར་གསུར་རྒྱུན་མི་གཅད།། གསེར་སྐྱེམས་ལ་སོགས་གཞག་པར་བྱའོ།། རྟག་ཏུ་བཙན
iiif viewer powered by OpenSeadragon
