| e-texts navigator |
| Wylie |
163b1 འདི་དག་རྦད་དོ།། ཧཱུཾ་འཛམ་གླིང་འདུས་པའི་དཀྱིལ་འཁོར་ནས།། མེ་འོད་འབར་བའི་ཞིང་ཁམས་ནས།། སྟོང་གསུམ་མེ་ཡི་གཞལ་ཡས་ནས།། མི་རིང་དམར་པོ་མདུང་ཙམ་གཅིག། དབུ་སྐྲ་མེ་དཔལ་མེ་དཔུང
163b2 འབར།། འཇིག་རྟེན་ཁམས་ཀུན་མེ་ཡིས་བསྲེག། སྨིན་མ་ལྕགས་ཀྱུ་འཁྱིལ་པ་འདྲ།། སྤྱན་རྩ་དམར་པོ་དམ་ཉམས་དགྲ་ལ་བཟློག། སྐུ་ལ་ལེ་བརྒན་དམར་པོའི་འཇོལ་བེར་གསོལ།། གཡས་ན་བཙན་གྱི་རྒྱུ་ཞགས
163b3 དགྲ་ལ་འདེབས།། གཡོན་པ་བྲག་བྱ་འུག་པའི་ལྟས་ངན་འབེབས།། ཞབས་ལ་ལྕགས་ལྷམ་ཡུ་ཟུང་གསོལ།། སྦྲུལ་ནག་སྟོང་གི་ཆུ་འཁོར་ཅན།། སྦྲུལ་ནག་སྟོང་གཤིབས་སྐུ་རིགས་བཅིངས།། སྐར་ཆེན་མང་པོའི་ཚར
163b4 ཆར་ཅན།། བཞུགས་ནི་གླིང་བཞི་ཁྱབ་པར་བཞུགས།། ནམ་གྱི་གུང་ལ་རྒྱུག་ཙམ་ན།། བྲག་གི་ཝ་མོ་ཁ་ནག་བཅིབས།། ཉི་མའི་ཟེར་ལ་རྒྱུག་ཙམ་ན།། ཆིབས་སུ་ལྟས་ངན་གླ་བ་བཅིབས།། ཉི་མའི་གུང་ལ་རྒྱུག་ཙམ
163b5 ན།། ཆིབས་སུ་བྲ་བོ་རྟིང་དཀར་བཅིབས།། དམ་རྫས་གཏོར་མ་འདི་ལོངས་ལ།། ཡབ་གཅིག་འཇམ་དཔལ་བཀའ་འབྱུང་གིས།། བཙན་གྱི་འཁོར་རྣམས་ལས་ལ་བསྐུལ།། འཇིག་རྟེན་ཁམས་སུ་མེ་ཡི་བསྐལ
163b6 པ་ཐོང་།། དགྲ་བོའི་རྣམ་ཤེས་ཐལ་བར་སྲེགས།། སྐྱེས་བུ་ཆེན་པོ་དགྲ་ལ་ཡ།། རང་གསང་མཆེད་དགུ་དགྲ་ལ་ཡ།། བཙན་ཞགས་དམར་པོ་དགྲ་ལ་ཐོབ།། ཐ་རམ་དགྲ་ལ་ད་ཐོབ་ཅིག་ཁྲག་སྐྱུགས་གཟེར་ཐབས
iiif viewer powered by OpenSeadragon
