| e-texts navigator |
| Wylie |
161b1 རང་གཟའ་འཕན་སྐད། བྱང་ཤར་དུ་ན་བུན་སྨུག་མོའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་ཧ་ནུ་བཀྐའི་རྩ་བའི་ལྷ་དགུ་བསྟན་པའི་ལེའུ་སྟེ་སོ་ལྔ་པའོ།། །། དེ་ནས་སྦྲུལ
161b2 པའི་བདུད་ནི། བཀའ་འཁོར་སྐྱོང་བ་གནོད་སྦྱིན་བདུད།། ཕྱག་བརྙན་བཅུ་གསུམ་ཁྲག་གི་དང་རལ་ཅན།། སྤྲུལ་པ་བཅུ་གསུམ་སྟག་ཆས་གཟིག་ཆས་དང་།། མོན་བུ་བཅུ་གསུམ་བདུད་ཀྱི་རྟ་ནག་ཅན།། ཕོ་ཉ་བཅུ
161b3 གསུམ་སྟག་སེང་མཐོང་ཀ་ཅན།། ཕྱག་བརྙན་ནག་མོ་རེ་བའི་གོ་ལྕོག་ཅན།། སྤྲུལ་པ་མ་བདུད་སོལ་བའི་ལན་ཚར་ཅན་དང་། མོན་མོ་བཅུ་གསུམ་ཞ་ཉེའི་རྒྱ་ལོང་ཅན་དང་། ཕོ་ཉ་མོ་རྣམས་མགྲོན་བུའི་ཐོང་སྐབས
161b4 ཅན་དང་། ནང་གིའོ།། ཕྱི་མ་སོག་པོ་ནག་པོ་ཁྲག་མིག་ཅན་དང་། གནོད་སྦྱིན་ནག་པོ་བསེའི་རལ་པ་ཅན་དང་། ཀླུ་བདུད་ནག་པོ་སྦྲུལ་གྱི་རྒྱུ་ཅན་དང་། གཤིན་རྗེ་ནག་པོ་ལྕགས་ཀྱི་རལ་པ་ཅན་དང་། མེ་རེག་ནག་པོ
161b5 དུང་གི་རྣ་ཆ་ཅན་དང་། བཤན་པ་དམར་སེར་སྤྲེའུའི་མགོ་ཅན་དང་། ལྗང་ནག་རྔམ་པ་མེའི་ཁ་རླངས་ཅན་དང་། དེ་དག་ནི་སྤྲུལ་པའོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྤྲུལ་པའི
161b6 བདུད་བསྟན་པའི་ལེའུ་སྟེ་སོ་དྲུག་པའོ།། །། དེ་ནས་ཡང་བདུད་དེ་རྣམས་ལ་རབས་ཆད་དམ་མོན་ཐོད་དུ། བྲ་སྲན་གྱི་གཏོར་མར། ལུག་ནག་སྤྱི་དཀར་བྱ་རོག་རྟ་ནག་པོ་རྟིང་དཀར་དང་གསུམ་གྱི་སྙིང་སྲོག་པ
iiif viewer powered by OpenSeadragon
