| e-texts navigator |
| Wylie |
15b1 བཛྲ་ཧཱུཾ་ཛ་ཛ། ཞེས་གསུངས་ཏེ། བཀའ་སྩལ་པ་དང་། དེ་ནི་ཚད་མའི་ཡེ་ཤེས་མཆོག། ཀུན་གྱི་བདག་པོར་གྱུར་པས་ཁ་གནོན་ཏོ།། ཐམས་ཅད་དབང་དུ་བསྡུས་པས་ཐུན་མོང་བསྙེན་པའི་མཆོག། སྒྲ་དབྱངས་འབྱོར
15b2 པས་རབ་བརྐྱེན་ན།། སྣ་ཚོགས་དོན་ཅན་འགྲུབ་པར་ཐེ་ཚོམ་མེད།། གཏུབ་དང་དཀྲུག་དང་བསྡེབ་པ་ཡིས།། དོན་གཉིས་བསྟན་ཏེ་བརྗོད་ལས་འདས།། ཞེས་གསུངས་སོ།། དེ་ནས་ཡང་ཕྱག་ན་རྡོ་རྗེས་འདི་སྐད་ཅེས
15b3 གསོལ་ཏོ།། གོང་དུ་གསུངས་པའི་དོན་དེ་མཆོག། མཚོན་ཆེན་འཁོར་ལོ་ལྟ་བུའམ།། ཡིད་བཞིན་བུམ་པ་བདུད་རྩི་ལྟ་བུ་རུ།། འཇིགས་བྱེད་ཆེན་པོས་བཀའ་སྩལ་ཏེ།། འདུས་པའི་ཚོགས་ལ་བཤད་དུ་གསོལ།། ཞེས
15b4 ཞུས་སོ།། འཇིགས་བྱེད་ཆེན་པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན།། སྔགས་ཀྱི་ཕྲེང་བའི་འོད་ཟེར་ནི།། ཐམས་ཅད་གཅོད་པ་འཁོར་ལོ་ཡིན།། ཅིར་ཡང་གྲུབ་པས་ཡིད་བཞིན་མཛོད། འཚོ་བར་བྱེད
15b5 པས་བདུད་རྩི་སྟེ།། སྤུ་གྲི་ལྟ་བུའི་མཚོན་གྱི་དོན།། བཤད་ཀྱིས་འདུས་པའི་ཚོགས་རྣམས་ཉན་པར་བྱོས།། ཞེས་བཀའ་སྩལ་ཏོ།། ངམ་རིང་སྲིན་བྲག་ཁྲག་གི་མཆི་རིས་ཅན།། སྐྱེ་བོ་མེད་པའི་ནགས་ཚལ་དུ།། བར
15b6 ཆད་རྣམ་གསུམ་བྲལ་བའི་རྫས་བསགས་ལ། སེང་གེ་ལྟ་བུའི་འདུ་ཤེས་ཀྱིས།། གཅིག་པུར་གནས་ཏེ་བཟླས་པ་ཡི།། མེ་ལྕེའི་ཕྲེང་བ་ལྟ་བུའོ།། ཡ་མ་རཱ་ཛ་ས་དོ་མེ་ཡ་དགྲ་བོ་ཨ་མུ་ཀཾ་པྲ་མ་ཡ་ཧཱུཾ་ཕཊ། མ་རཱ་ཛ་ས་དོ
iiif viewer powered by OpenSeadragon
