| e-texts navigator |
| Wylie |
159b1 ལྤགས་དམར་པོའི་བ་དན་ཕྱར།། མི་མགོ་དམར་པོ་དུང་དུ་འབུད།། མི་མགོའི་ཕྲེང་བ་ཁྲ་ལ་ལ།། མི་དང་རྟ་མིན་ཤ་མི་ཟ།། མི་དང་རྟ་མིན་ཁྲག་མི་འཐུང་།། སྡང་བའི་དགྲ་ལ་མུན་པའི་འཁོར་ལོ་བསྐོར།། དེ་ནས
159b2 བསྐལ་པ་སྙིགས་མའི་ལྔ་བརྒྱ་ལ་ཞེས་པ་གཏོང་། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕོ་ཉའི་ལེའུ་སྟེ་སུམ་ཅུ་པའོ།། །། དེ་ནས་བཅོམ་ལྡན་འདས་ཉིད་ཀྱིས། བདུད་ལྕམ་དྲལ
159b3 ཉི་ཤུའི་བསྒྲུབ་པ་འདི་གསུངས་སོ།། ཡིད་འོང་གནས་སུ་ས་བཟུང་ལ།། དཀྱིལ་འཁོར་འདོམ་གང་གྲུ་བཞིར་བྱ།། མཐིང་ནག་གྲུ་གསུམ་ཟླ་གམ་གསུམ།། འཁོར་ལོ་རྩིབས་བརྒྱད་དག་ཏུ་བྱ།། གྲུ་གསུམ་ཉིད་ལ
159b4 གཤེད་པོ་དགོད།། ཟླ་གམ་ཡུམ་སྲས་གསུམ་པོ་དགོད།། འཁོར་ལོ་རྩིབས་བརྒྱད་བདུད་པོ་བརྒྱད།། བར་ཁྱམས་དམར་པོ་བདུད་ཀྱི་ལྕམ།། སྒོ་བཞིར་བདུད་ཀྱི་ཡང་ཁོལ་བཞི།། ལྷོ་ནུབ་མཚམས་སུ་གྲི་བོའི་གཡང
159b5 གཞི་གཟུག། ནུབ་བྱང་སྦྲང་ཀིའི་རྒྱལ་མཚན་གཟུག། བྱ་རྒོད་དག་དང་ལུག་ནག་དང་།། གཡང་གཞི་བྱང་ཤར་ཤར་ལྷོར་གཟུག། དར་ནག་དག་གིས་གུར་ཆེན་དབུབ།། བོད་རྒྱ་ནག་པོས་མཐའ་མ་སྐོར།། དབུས་སུ
159b6 གཤིན་རྗེའི་གཏོར་མ་བཞག། བསེ་གབ་མོན་ཐོད་འཁར་ཕོར་དུ།། མི་ཤ་རྟ་ཤའི་གཏོར་མ་བྱ།། ཤར་དུ་སྤྲེའུའི་སྙིང་ཁྲག་བསྲེས་ལ་བཞག། ལྷོ་ནུབ་མཚམས་སུ་རྗེ་རིགས་མགོར།། མི་སྙིང་ཁྲག་གི་གཏོར
iiif viewer powered by OpenSeadragon
