| e-texts navigator |
| Wylie |
158a1 དང་།། འབར་བ་ནག་པོ་ལ་སོགས་དགོད།། མཐུན་པའི་རྫས་སུ་འདི་དག་དགོད།། མི་རྟ་ཤ་ཡི་གཏོར་མ་ལ།། སྣ་ཚོགས་ཤ་རུས་བརྒྱན་པ་དག། གཙོ་བོ་ཡབ་ཡུམ་གསུམ་ལ་དབུལ།། བྱ་ནག་རྟ་ནག
158a2 ལུག་ནག་དང་། ཁྱི་ནག་ཕག་པ་རོག་པོ་དང་།། གཡག་དང་གླང་དང་ར་རོག་གི། སྙིང་དང་ཤ་ཁྲག་རུས་པ་དང་།། མི་ཤས་བརྒྱན་ནས་ཟངས་གཞོང་དགང་།། བདུད་པོ་བཅུ་ལ་གཏང་ཞིང་བཅའ།། ཤ་སྣ་ཁྲག་སྣ
158a3 དཀོར་ཆ་དང་། སྤྱན་གཟིགས་གཏོར་མ་གིང་ཆེན་བཞི་ལ་དགོད།། སྨན་ཁྲག་སྦྲེངས་ཤིང་མི་གསུར་གཏང་།། རྒྱལ་མཚན་འཕྱར་ཞིང་དར་ནག་གུར་ཆེན་ཕུབ། ཁྱིའམ་དོམ་གྱི་གཡང་གཞི་དགབ།། ལུག་ནག་གཏར
158a4 གཞུག་ར་ལ་དམིག་རྟེན་བཅས།། གདུག་པའི་ཤིང་ལ་ཁྲམ་ཤིང་བཅའ།། དྲག་སྔགས་བྲི་དང་བཟླས་པ་བྱ།། ཡི་དྭགས་གོས་ལ་ལིངྒ་བྲིས་པ་ལ། ཁྲམ་ལ་གདབ་ཅིང་བསད་པའི་ལས་ལ་འཇུག་ཁྲམ་དང་འཁོར
158a5 ལོ་ཐོད་པ་དག་ཏུ་བྲུབ།། ཆུ་མིག་དག་ཏུ་གཏད་དེ་སྨོན་ལམ་བཏབ།། ཐུན་ནི་དགྲ་ཡི་ཁང་པ་དག་ལ་བརྡེག། ཚེར་མ་ཅན་གྱི་ཤིང་ལ་སྦྱིན་བསྲེག་བྱ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས།།
158a6 བདུད་ཕོ་རྣམས་བསྒྲུབ་པའི་ལེའུ་སྟེ་ཉེར་བདུན་པའོ།། །། དེ་ནས་ཡང་ནི་བཤད་བྱ་བ།། ཏིང་འཛིན་རྣམ་གསུམ་འཕྲོ་འདུ་ལས།། དབང་ཆེན་འབྱུང་བ་རིམ་བརྩེགས་ཏེ།། བྷྲཱུཾ་ལས་འབར་བའི་ཐོད་པ་གཞལ
iiif viewer powered by OpenSeadragon
