| e-texts navigator |
| Wylie |
157b1 སྟོན་པས་བཀའ་སྩལ་པ། ཀྱེ་ཀྱེ་གསང་བའི་བདག་པོ་ཡིད་ལ་ཟུང་།། རྣོ་ལ་ངར་དུ་འདོགས་པ་ཡི།། དྲེགས་པའི་སྒྲུབ་ཐབས་ཞུས་པ་ལེགས།། འཇིག་རྟེན་དྲེགས་པ་སྡེ་མང་ལ།། བདེ་གཤེགས་བཀའ་ལ་བཏགས་པ
157b2 ཡི།། བསྟན་སྲུང་ཆོས་སྐྱོང་སྡེ་བརྒྱད་ཡིན།། དེ་དག་མྱུར་དུ་བསྒྲུབ་པའི་ཕྱིར།། བསྒྲུབ་པ་བརྩམ་དང་སྲོག་རྟེན་བཅའ།། དམོད་པ་གདབ་པའི་ལས་བཤད་ཀྱི།། གསང་བའི་བདག་པོས་ཡིད་ལ་ཟུང་།། ཞེས་གསུངས
157b3 སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲེགས་པ་ལྷ་རུ་བསྒྲུབ་པར་མགོ་སྨོས་པའི་ལེའུ་སྟེ་ཉེར་དྲུག་པའོ།། །། དེ་ནས་འཇམ་དཔལ་ཁྲོ་བོ་ཡིས། ཁྲམ་བདག་བདུད་ཀྱི་བསྒྲུབ
157b4 པ་འདི་གསུངས་སོ།། ཡིད་འོང་གནས་སུ་བསྒྲུབ་པ་བརྩམ།། མནྡ་ལ་འདོམ་གང་གྲུ་བཞི་ལ།། དུག་དང་ཁྲག་གིས་ཆག་ཆག་གདབ།། དབུས་སུ་གྲུ་གསུམ་ཟླ་གམ་གསུམ།། འཁོར་ལོ་རྩིབས་བརྒྱད་གྲུ་ཆད་སྒོ།། ཐོད
157b5 པའི་ཕྲེང་བ་རྡོ་རྗེའི་གུར།། མེ་རླུང་མུན་ནག་འདྲ་བས་བརྒྱན།། ལྕགས་དང་སེང་ལྡེང་ཕུར་པ་ལ།། དབུས་དང་ཟླ་གམ་གསུམ་པོ་ལ།། ཡབ་ཡུམ་སྲས་གསུམ་དགོད་པར་བྱ།། འཁོར་ལོ་རྩིབས་བརྒྱད་དག་ལ
157b6 ནི།། ལྕགས་ཀྱི་ཕུར་པ་བཅུ་དག་ལ།། དར་ནག་ཅོད་པན་རེ་བཏགས་ལ།། ཡང་རྗེ་དག་དང་རོལ་པོ་དང་། ཁྲམ་བདག་གཟའ་བདུད་སྲོག་བདུད་དང་།། ཐེག་པ་རྗེ་དང་རི་བོ་རྗེ།། སེ་འཛིན་རོ་ལངས་ནག་པོ
iiif viewer powered by OpenSeadragon
