| e-texts navigator |
| Wylie |
157a1 གཤེད་འདི་བཞི་ཡིན།། གཤིན་རྗེ་ཡ་མ་རཱ་ཛ་ནི།། སྲིད་པ་གསུམ་གྱི་རྩེ་ན་གནས།། གསོན་གཤིན་གཉིས་ཀྱི་ཟམ་ཁ་ན།། གཤེད་པོ་མྱོས་བྱེད་འབར་བ་གནས།། བྲག་ནག་སྦྱངས་པའི་རི་བོར
157a2 ནི།། གཤེད་པོ་ཨཱཪྻ་མ་རུ་གནས།། རྒྱ་མཚོ་འཁྱིལ་བའི་དབུས་གནས་ན།། གཤེད་པོ་རལ་པ་ཚར་དགུ་གནས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ཕྱིའི་གཤེད་བཞི་བསྟན་པའི་ལེའུ
157a3 སྟེ་ཉེར་བཞི་པའོ།། །། དེ་ནས་ཡང་དག་བཤད་བྱ་བ།། སྤྱི་བོ་ཚངས་པའི་བུ་ག་ན།། མེ་ཡི་དབང་པོའི་དྲོད་འཕྲོག་གནས།། མིད་པ་གྲེ་བའི་རྒྱ་ལམ་ན། ཁྲག་གི་སྡིག་པ་ཁྲག་འཐུང་གནས།། ལུས་ཀྱི་གཞི་རྟེན་ལྟེ
157a4 བ་ན།། རླུང་གི་སྡོམ་ནག་དབུགས་འཕྲོག་གནས།། ཙིཏྟ་སྲོག་གི་གའུ་ན།། དུག་གི་མི་བོ་སྲོག་གཅོད་གནས།། དེ་དག་རང་རྒྱུད་གཤེད་ཆེན་ཏེ།། ནང་གི་གཤེད་ཆེན་བཞི་ཡིན་ཏེ། ཁམས་གསུམ་སེམས་ཅན་སྲོག་ལེན
157a5 ཡིན།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། ནང་གི་གཤེད་བཞི་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀའ་འདུལ་བའི་བདག་པོ
157a6 དེས།། བདེ་མཆོག་ཡབ་ལ་འདི་སྐད་ཞུས།། ཧེ་ཧེ་ཁྲོ་བདག་གཤིན་རྗེའི་གཤེད།། དེ་ལྟར་བྱས་པའི་རྣལ་འབྱོར་པས།། ལས་རྣམས་མྱུར་དུ་བསྒྲུབ་པའི་ཕྱིར།། འཇིག་རྟེན་དྲེགས་པ་ཇི་ལྟར་བསྒྲུབ།། ཅེས་ཞུས་པས།།
iiif viewer powered by OpenSeadragon
