| e-texts navigator |
| Wylie |
156b1 འདི་གཤེགས་ས་མ་ཡ།། བདུད་རྩི་བྱང་ཆུབ་སེམས་དང་དམར་ཆེན་མཱཾ་ས་དང་།། དམ་ཚིག་རྫས་ཀྱི་མཆོད་པ་བཞེས་ནས་ཀྱང་།། བསྟན་པ་འཇིག་པའི་འགལ་བྱེད་དགྲ་བོ་འདི།། དུས་ཀྱི་ཞགས་པས་དྲངས་ལ་མྱུར་དུ
156b2 སྒྲོལ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གདུག་བྱེད་གཤིན་རྗེ་ལ་ཕྲིན་ལས་བཅོལ་བའི་ལེའུ་སྟེ་ཉེར་གཉིས་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀར་འདུལ
156b3 བའི་བདག་པོ་དེས།། བདེ་ཆེན་ཡབ་ལ་འདི་སྐད་ཞུས།། ཧེ་ཧེ་དཔལ་འབར་ཁྲོ་བོ་རྗེ།། ཕྱི་ནང་སྲོག་གཤེད་འདི་དག་ལ།། ཉི་མ་བཞི་པས་ལས་གང་འགྲུབ།། ཕྱི་ནང་གཤིན་རྗེའི་གཙོ་བོ་གང་།། ཞེས་ཞུས་པས།།
156b4 ལེགས་པར་ཉོན་ལ་ཡིད་ལ་ཟུང་།། ཉི་མ་བཞི་པའི་ལས་བྱས་པས།། ཕྲིན་ལས་སརྦ་རྫོགས་པ་ཡིན།། ཕྱི་ནང་སྲོག་གཤེད་བཞི་པོ་ལས།། ལས་ཀྱི་གཤིན་རྗེ་བཅུ་གཉིས་ཡིན།། སྤྲུལ་པའི་གཤིན་རྗེ་ལས་བྱེད
156b5 ནི།། ཕོ་གཤེད་སུམ་བརྒྱ་དྲུག་ཅུ་དང་།། མོ་གཤེད་སུམ་བརྒྱ་དྲུག་ཅུ་ལ།། གཤིན་རྗེ་བདུན་བརྒྱ་ཉི་ཤུ་ཡོད།། ཉི་མ་བཞི་ཡི་ལས་བྱས་ལ།། ཕྲིན་ལས་བརྒྱ་དང་རྩ་གཅིག་འགྲུབ།། ནད་ནི་བཞི་བརྒྱ་རྩ་བཞི
156b6 གཏང་།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གཤིན་རྗེའི་རྣམ་གྲངས་བསྟན་པའི་ལེའུ་སྟེ་ཉེར་གསུམ་པའོ།། །། དེ་ནས་ཡང་དག་བཤད་བྱ་བ།། ཕྱི་ཡི་སྲོག
iiif viewer powered by OpenSeadragon
