| e-texts navigator |
| Wylie |
153b1 སྲོག་ལ་བྷྱོ་བྷྱོ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། བདུད་བྱེ་བ་དགུ་རིང་ཡབ་ཡུམ་བསྐུལ་བའི་ལེའུ་སྟེ་བཅུ་བདུན་པའོ།། །། དེ་ནས་གཤེད་པོ་བཞི་དག་བསྐུལ།། ཧཱུཾ་དེ་ཡི་ཕྱི་རིམ
153b2 ལྕགས་རི་བཞི་ལ་ནི།། གཤེད་ཀྱི་བློན་པོ་གཤིན་རྗེ་ཡབ་ཡུམ་བཞི།། ཡ་མ་རཱ་ཛ་སྲིན་མོ་ཤ་ཟ་མ།། མྱོས་བྱེད་འབར་བ་སྲིན་མོ་སྟོབས་ཆེན་མ།། ཨཱརྱ་མ་རུ་སྲིན་མོ་སེང་གེ་མ།། རལ་པ་ཚར་དགུ་སྲིན་མོ་འབར་བ
153b3 རྣམས།། བསྟན་པ་གཉེན་པོ་བསྲུང་བའི་རྫུ་འཕྲུལ་ཅན།། དམ་ཚིག་རྗེས་སུ་དྲན་ཞིང་དམར་ཆེན་ཁྲག་ལ་གཤེགས།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གཤེད་པོ་སྤྱན་དྲངས་པའི་ལེའུ
153b4 སྟེ་བཅོ་བརྒྱད་པའོ།། །། དེ་ནས་ཕྱོགས་སྐྱོང་བཅུ་དག་བསྐུལ།། ཧཱུཾ་དེ་ཡི་ཕྱི་རིམ་ལྕགས་མཁར་བཅུ་གཉིས་ན།། ལས་ཀྱི་གཤིན་རྗེ་རྡོ་རྗེ་བྲན་གྱི་ཚོགས།། བདུད་འཇོམས་དམར་པོ་ཀོང་ཙེ་བྲག་འཇོམས
153b5 དང་།། མིག་དམར་མགོ་དགུ་ལྷ་མཆོག་དུད་ཁ་ཀ། ཨ་བ་གླང་མགོ་ཏེལ་པ་ཡ་བ་ཏི།། སྟག་མགོ་ནག་པོ་ཕྱ་སངས་ཆོས་ཀྱི་རྒྱལ་པོ་རྣམས།། གཤིན་རྗེའི་གཟུགས་སྟོན་དབྱུག་ཏོ་ཞགས་པ་འབེབས།། སྐྱེ་འགྲོ་དབང
153b6 སྡུད་སྲིད་གསུམ་ཁྲམ་ལ་འདེབས།། ལས་ཀྱི་སྲིན་མོ་གཤིན་རྗེའི་ཆུང་མ་རྣམས།། སྲིན་མོ་ནག་མོ་སྲིན་མོ་འཕྱངས་མ་དང་།། སྲིན་མོ་ལག་བརྒྱ་སྲིན་མོ་སེར་མོ་དང་།། སྲིན་མོ་ཞགས་པ་སྲིན་མོ་མིག་བརྒྱ་མ།། སྲིན་མོ
iiif viewer powered by OpenSeadragon
