| e-texts navigator |
| Wylie |
151b1 ཞུས་པས། ལེགས་པར་ཉོན་ལ་ཡིད་ལ་ཟུང་།། སྔགས་ཀྱི་ཡི་གེ་བཅུ་བདུན་པོ།། ང་ཡི་སྙིང་པོ་ཡིད་ལ་ཕྱུང་།། ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊ། ཡེ་ཤེས་ལྔ་ལྡན་བྱང་ཆུབ་སེམས།། སྐྱེ
151b2 བ་མེད་ལས་ཁྲོ་ཚུལ་འཆང་།། རི་རབ་བསྙིལ་ལ་རྒྱ་མཚོ་སྐེམ།། འཁོར་བ་དོང་ནས་སྤྲུག་པ་དང་།། མ་རིག་མུན་པ་གསལ་བར་མཛད།། སྔོན་དུ་བྱེ་བ་ཚིག་འབུམ་མམ།། རྟག་པར་རྒྱུན་དུ་འདི་གྲངས
151b3 པས།། སྐུ་ཡི་དངོས་གྲུབ་ཚད་དཔག་མེད།། དེ་ནས་འཇམ་དཔལ་གཞོན་ནུར་འགྱུར།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྙིང་པོ་སྔགས་ཀྱི་ལེའུ་སྟེ་བཅུ་གཉིས་པའོ།། །། དེ
151b4 ནས་བདེ་ཆེན་དཔའ་བོས་དེས།། དྲག་པོ་བསྙེན་བསྒྲུབ་སྔགས་བསྟན་པའི།། བསྙེན་པའི་བསྙེན་པ་པ་འདི་ཉིད་དོ།། ཨོཾ་ཤྲཱི་ཡ་མཱནྟ་ཀ་ཧཱུཾ། ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ན་ཡོ་ད་ཡ། ཡ་ད་ཡོ་ནི་ར་ཡཀྵེ་ཡ། ཡཀྵེ
151b5 ཡཙྪ། ནི་རཱ་མ་ཡ། བསྒྲུབ་པའི་བསྙེན་པ་དེ་ཉིད་ཡིན།། ལྷ་སྲིན་རང་སོ་དབང་དུ་འདུས། ཁྲོས་ན་ལྷ་ཡང་བརླག་པར་བྱེད།། འདི་ཉིད་རྒྱུན་དུ་བཟླས་གྱུར་ན།། མཐུ་དང་རྫུ་འཕྲུལ་ཕུན་སུམ་ཚོགས།། ཞེས་གསུངས
151b6 སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། སྒྲུབ་སྔགས་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ལས་ཀྱི་སྦྱོར་བ་བཤད།། དུར་ཁྲོད་རོ་རས་ཁྲུ་གང་ལ།། དུག་དང་ཁྲག་ཏུ
iiif viewer powered by OpenSeadragon
