| e-texts navigator |
| Wylie |
151a1 ལེའུ་སྟེ་བཅུ་པའོ།། །། དེ་ནས་བསྟོད་དང་ཕྲིན་ལས་བཅོལ།། ཧཱུཾ་གཏུམ་ཆེན་རབ་འབར་གཤིན་རྗེ་འཇོམས་མཛད་ལྷ།། ཉི་མ་འབུམ་ལས་ལྷག་པའི་འོད་སྟོང་འགྱེད།། གདུག་བྱེད
151a2 མཚོན་ཆ་བསྐལ་པའི་མེ་ལྟར་འབར།། འཇིགས་བྱེད་ཡ་མ་རཱ་ཛའི་སྐུ་ལ་ཕྱག་འཚལ་བསྟོད།། རྡོ་རྗེའི་སྐུ་ལ་ཀླུ་དབང་རབ་བརྒྱན་ཅིང་།། གཅན་གཟན་གདུག་པའི་པགས་རློན་ན་བཟར་གསོལ།། ཤ
151a3 ཟ་འུག་པའི་ཚོགས་དབུས་ཐོད་དུ་བཅིངས།། ཤ་ཟ་ལྟ་བུའི་ཁྲོ་རྒྱལ་རབ་འཇིགས་པ། ཁྲོ་རྒྱལ་ཞལ་གསུམ་ཕྱག་དྲུག་ཧཱུཾ་སྒྲ་ཅན།། ཧཱུཾ་སྒྲ་བསྒྲགས་པས་ཁམས་གསུམ་དབང་དུ་སྡུད།། ཕཊ་ཀྱི་སྒྲ
151a4 བསྒྲགས་མ་མོ་དབང་དུ་སྡུད།། དུང་ཆེན་རཀྟས་བཀང་བ་འདི་གསོལ་ལ།། བདག་གི་བཅོལ་བའི་ལས་རྣམས་བསྒྲུབ་པར་མཛོད།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས།།
151a5 གཙོ་བོ་ལ་བསྟོད་དེ་ཕྲིན་ལས་བཅོལ་བའི་ལེའུ་སྟེ་བཅུ་གཅིག་པའོ།། །། དེ་ནས་དཔལ་ལྡན་རྡོ་རྗེ་འཆང་།། གདུལ་དཀའ་འདུལ་བའི་དྲག་པོ་དེས།། བདེ་ཆེན་ཡང་། ཡབ་ལ་འདི་སྐད
151a6 ཞུས།། ཧེ་ཧེ་དཔའ་བོ་ཆེན་པོ་འཇིགས་བྱེད་ལགས།། ལྷ་རྣམས་རྩ་བ་མི་འགྱུར་བའི།། སྲོག་གི་སྙིང་པོ་གང་གང་ལགས།། བསྙེན་དང་བསྒྲུབ་པར་བྱ་བ་གང་།། དྲག་པོའི་ལས་ནི་ཇི་ལྟར་བྱ།། ཞེས
iiif viewer powered by OpenSeadragon
