| e-texts navigator |
| Wylie |
150a1 གསང་ནག་པོ་བཤན་པ་སྤུ་གྲིའི་རྒྱུད་ལས། ཞི་བསྙེན་ལེའུ་སྟེ་བདུན་པའོ།། །། དེ་ནས་དཔལ་འབར་ཁྲོ་བདག་རྗེས།། འཇིགས་བྱེད་འབར་བའི་དཀྱིལ་འཁོར་བཤད།། དུར་ཁྲོད
150a2 རབ་ཏུ་འཇིགས་པ་རུ།། དུར་ཁྲོད་ས་ལ་མནྡལ་བྱ། ཁྲག་གིས་ཆག་ཆག་བཏབ་ནས་ནི།། དབུས་སུ་གྲུ་གསུམ་མཐིང་ནག་ལ།། ཟླ་གམ་དམར་པོ་གསུམ་གྱིས་བསྐོར།། འཁོར་ལོ་བརྒྱད་དང་མུ་ཁྱུད
150a3 བཅས།། དབུས་སུ་ཁྲོ་མཆོག་རྒྱལ་པོ་དགོད།། ཟླ་གམ་དག་ལ་ཡུམ་སྲས་སོ།། འཁོར་ལོ་བརྒྱད་ལ་ཡ་མ་བརྒྱད།། དེ་བཞིན་སྐུ་གཟུགས་ལྷོ་རུ་གཞག། མཆོད་དང་བསྟོད་པ་དག་ཀྱང་བྱ།། དཔལ་དྲག
150a4 སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དཀྱིལ་འཁོར་བྲི་བའི་ལེའུ་སྟེ་བརྒྱད་པའོ།། །། དེ་ནས་དཔལ་འབར་ཁྲོ་བདག་རྗེས།། ནང་གི་དཀྱིལ་འཁོར་བཤད་པར་བྱ།། དང་པོ་དེ
150a5 བཞིན་སེམས་ཉིད་སྟོང་པར་བསམ།། མ་ཧཱ་ཤཱ་ནྱ་ཏཱ་ཛྙཱ་ན་སྭ་བྷ་ཝ་ཨཱཏྨ་ཀོ&ཧཾ། སྟོང་པའི་ངང་ལས་སྙིང་རྗེ་བྱང་ཆུབ་སེམས།། ཉི་མའི་འོད་ལྟར་ཀུན་ཏུ་ཁྱབ་པར་བསམ།། ཨོཾ་དྷརྨ་དྷ་ཏུ་ཙིཏྟ་པྲ་བ་སྒྲ་ར
150a6 ན་ཕཊ། རང་གི་སེམས་ཉིད་བསྡུས་པ་ཧཱུཾ་དུ་བསམ། ཧཱུཾ་ཧཱུཾ་བཛྲ་ཙིཏྟ་ཧཱུཾ། ཧཱུཾ་ལས་དབང་ཆེན་འབྱུང་བ་རིམ་གྱིས་འཕྲོས།། འབྱུང་ལྔའི་སྟེང་ན་ཡི་གེ་བྷྲཱུཾ།། བྷྲཱུཾ་བི་ཤྲ་བི་ཤུདྡྷེ་བྷནྡ་ཛྙཱ་ན་ཙཀྲ་བྷྲཱུཾ།། ཡེ་ཤེས
iiif viewer powered by OpenSeadragon
