| e-texts navigator |
| Wylie |
14a1 བའི་རྣལ་འབྱོར་པས།། མེ་འབར་སྔགས་ཀྱི་འོད་ཟེར་གྱིས།། འཇིགས་བྱེད་ཡ་མའི་ཞིང་ཁམས་ནས།། འབར་བ་དུག་གི་དུམ་བུ་བསྡུས།། མེ་འབར་ནག་པོའི་འབྲུ་ལ་བསྡུ།། སྣ་ཚོགས་དུག་གི་ཁུ་བ
14a2 ཡིས།། འཁོར་ལོ་རྣམས་ལ་ངར་བླུད་བྱ།། མྱོས་པའི་རྫས་ལ་དེ་བཞིན་ནོ།། ཞེས་གསུངས་སོ།། བཀའ་སྩལ་པ། དེ་ནས་ཏིང་འཛིན་རྣམ་གསུམ་གྱིས།། ཁྲོ་བོའི་རྒྱལ་པོ་གཤིན་རྗེའི་གཤེད།། སྙིང་པོ་སྔགས་ཀྱིས་ཡབ
14a3 ཡུམ་བསྐྱེད།། རང་བཞིན་གནས་ནས་སྤྱན་དྲངས་ནས།། གཉིས་སུ་མེད་པར་བསྟིམ་པར་བྱ།། མཆོད་ཅིང་བསྟོད་པ་ཕུལ་ནས་ནི།། ཇི་ལྟར་འདོད་པའི་ཕྲིན་ལས་བཅོལ།། ཉི་ཤུ་གསུམ་དང་དྲུག་ཏུ་ནི།། བཞི་པའི་བར
14a4 དུ་བསྙེན་པ་བྱ།། ཐོ་རངས་དགོངས་ཁ་གཏོར་མ་གཏང་།། ཞེས་གསུངས་སོ།། ལྷོ་ཕྱོགས་ཁ་བལྟས་མདུན་དུ་ནི།། གྲུ་གསུམ་རྩེ་མོ་ལྷོར་བསྟན་ལ།། ཟབས་དང་གྱེན་དུ་ཕྱེད་དུ་བཤད།། ཐོད་པ་བཅུག་སྟེ་སྔགས་ཀྱིས
14a5 བྲབ།། ཐེ་ཚོམ་མེད་པར་ལས་རྣམས་འགྲུབ། ཅེས་གསུངས་སོ།། འཇིགས་བྱེད་ཆེན་པོས་བཀའ་སྩལ་པ།། དེ་ལྟར་དཀྱིལ་འཁོར་བཤམས་ནས་ནི།། སྔགས་པས་ཆས་གོས་ནག་པོ་གོན། ཁྲོ་བོའི་སྔགས་ཀྱི་མཚམས
14a6 བཅད་དེ།། ལྷོ་ཡི་ཕྱོགས་སུ་ཁ་བལྟས་ནས།། ཏིང་འཛིན་རྣམ་གསུམ་རིམ་གྱིས་བསྒོམ། ཁྲག་འཐུང་དཀྱིལ་འཁོར་རིམ་བཞིན་བསྐྱེད།། སྤྱན་དྲངས་མཆོད་པ་ལ་སོགས་བྱ།། གཏོར་མ་བཏང་ལ་དཀྱིལ་འཁོར
iiif viewer powered by OpenSeadragon
