| e-texts navigator |
| Wylie |
149b1 དཀྱིལ་འཁོར་ནི།། ཆོས་ཉིད་མཉམ་ལས་མ་གཡོས་ཀྱང་།། སྲིད་གསུམ་སྐད་ཅིག་དབང་དུ་འདུས།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། རྟོགས
149b2 པ་ཡེ་ཤེས་ཀྱི་ལྷ་བསྟན་པའི་ལེའུ་སྟེ་དྲུག་པའོ།། །། དེ་ནས་འཇམ་དཔལ་འཇིགས་བྱེད་དེས།། ཞི་བ་མཉམ་ཉིད་སྔོན་འགྲོ་བཤད།། རྣལ་འབྱོར་སྡིག་པ་བྱང་བའི་ཕྱིར།། ཚ་ཚ་གདབ་ཅིང་འབུམ
149b3 ཡང་འདོན།། ཉེའུ་འདོན་ཞིང་ལམ་འཕྲང་བསྟར།། ཚད་མེད་བཞི་པོ་བསྒོམ་པར་བྱ།། བདུན་པོ་རྣམ་པར་དག་པར་བྱ།། ཡང་ན་ཆོ་ག་དགུ་པས་བྱ།། བྱང་ཆུབ་མཆོག་ཏུ་སེམས་བསྐྱེད་ལ།། ཐམས
149b4 ཅད་སྟོང་པ་ཉིད་དུ་བྱ།། སྟོང་པའི་ངང་ལས་བྷྱཱཾ་ལས་ནི།། གཞལ་ཡས་ཁང་དུ་བསམ་པར་བྱ།། དེ་དབུས་པཾ་ལས་ཆུ་སྐྱེས་དབུས།། མཱ་ལས་ཉི་མའི་དབུས་ཉིད་དུ།། མུཾ་ལས་འཇམ་པའི་ངང་ཚུལ
149b5 ཅན།། ཆོས་ཀྱི་པྲ་སྟི་ར་ལ་གྲི་འཛིན།། སྐུ་མདོག་དམར་སེར་གུར་གུམ་འདྲ།། ཨོཾ་ཨ་ར་པ་ཙ་ན་དྷིཿགཞོན་ནུའི་སྤྲུལ་པ་ཨུཏྤལ་ཏེ།། སྙིང་གར་ཉི་མའི་དལ་ཉིད་ལས།། ཡི་གེ་དྷིཿལས་འོད་འཕྲོས
149b6 པས།། བུདྡྷ་མཆོད་ནས་མ་ནུའི་སྒྲིབ་པ་སྦྱང་།། དེ་ལ་བསྟོད་དང་མཆོད་བྱས་ལ།། འཇམ་དཔལ་མཚན་ནི་ཡང་དག་བརྗོད།། ཝཱ་གཱི་ཤྭ་རི་འབྲུ་དྲུག་འདོན།། ཞེས་གསུངས་སོ།། དཔལ་དྲག་སྔགས་ཟླ
iiif viewer powered by OpenSeadragon
