| e-texts navigator |
| Wylie |
148b1 གཤན་པ་སྤུ་གྲིའི་རྒྱུད་ལས། གླེང་སློང་བའི་ལེའུ་སྟེ་གསུམ་པའོ།། །། དེ་ནས་དེའི་ཚེ་དེའི་དུས་ན་ཡང་ལག་ན་རྡོ་རྗེས། ཀྱེ་མ་དཔལ་འབར་ཁྲོ་བདག་རྗེ།། འཇིག་རྟེན་དྲེགས་པ་དེ
148b2 དག་ནི།། གནས་ནི་གང་དུ་བྱ་བ་ལགས།། འཇུག་པའི་དུས་ཚིག་ཉིད་གང་ལགས།། གཉེན་པོའི་ལྷ་ནི་གང་གིས་བྱ།། ཞེས་ཞུས་པས་བཀའ་སྩལ་པ། ལེགས་པར་ཉོན་ཅིག་གནས་ནི་དུར་ཁྲོད་ཆེན་པོ
148b3 ཀ་ཀ་ལི་ཚལ་ལམ། དུར་ཁྲོད་མ་ལ་ཡའམ། དྲང་སྲོང་གི་དགོན་པའམ། བྲག་ཁུང་གཏིང་རིང་ལྟ་བུའམ། རི་འདུས་རྩེ་དང་སྐྱེད་མོས་ཚལ།། ཡིད་འོང་བཀྲ་ཤིས་ཉམས་དགའི་གནས།། དེ་དག་སྤྱི་ཡི
148b4 གནས་ཆེན་ཡིན། ཁྱད་པར་གནས་ནི་འདི་ལྟར་རོ།། ཤིང་གཅིག་དྲི་ཟའི་གནས་ཀྱང་ཡིན།། བྲག་ནག་གཤིན་རྗེ་དག་གིས་གནས།། ཆུ་མིག་ཀླུ་ཡི་གནས་སུ་བཤད།། ལྷ་ཁང་དབུ་རྩེ་རྒྱལ་པོ
148b5 ལ།། དུར་ཁྲོད་དག་ནི་མ་མོའི་གནས།། བྲག་ཆུ་འཐབ་པ་ཀླུ་སྲིན་གནས།། སོག་པོ་ཁྲོས་འདྲ་གནོད་སྦྱིན་གནས།། རལ་པ་གཡེངས་འདྲ་གཟའ་བདུད་གནས།། བྲག་དང་ཆུ་འཐབ་ཀླུ་སྲིན
148b6 གནས།། སེང་གེ་མཆོངས་འདྲ་སྲིན་པོའི་གནས།། གནས་ནི་ཞི་བར་བྱས་ལ་འཇུག། ཅེས་གསུངས་སོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། གནས་བཙལ་བའི་ལེའུ་སྟེ
iiif viewer powered by OpenSeadragon
