| e-texts navigator |
| Wylie |
148a1 རག་མ་མ་མ་རུ་ལུ་མ་མ། ར་ཙ་གིང་ཤར་རམ་ཤག་རྒྱུག་རྒྱུག་རཱ་ཧུ་རཀྐ་ཧ་ར་ཧ་ར་རྦད། སུམ་ཏྲི་རག་རག་ཙ་ད་ར་ཏྲི་ནཱ་ག་རཱ་ཙ་ཧ་ར་པ་རྦད། ས་ནཱ་ག་རཱ་ཙ་ནི་ལ་རྒྱུག་དུམ་རྦད་དུ་རྦད།
148a2 ཅེས་ཕུལ་ལོ།། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད་ལས། དྲེགས་པའི་སྲོག་སྙིང་འཕྲོགས་ཏེ་ལས་ལ་མངགས་པའི་ལེའུ་སྟེ་གཉིས་པའོ།། །། དེ་ནས་ལག་ན་རྡོ་རྗེ་ཉིད
148a3 སྟན་ལས་ལངས་ནས། འདི་སྐད་ཅེས་གསུངས་སོ།། ཀྱེ་ཀྱེ་དཔལ་འབར་ཁྲོ་བདག་རྗེ།། གདུག་བྱེད་དྲེགས་པ་འདི་དག་ནི།། སེམས་ཅན་ཡོངས་ལ་སྦྱོར་ངན་གཏོང་སྟེ་འཚེ་བས། དཔའ་བོ་ཉིད་ཀྱི
148a4 འཁོར་དུ་དེ་དག་འདུས་པ་ལེགས་སོ།། ད་བསྟན་པ་ལྔ་བརྒྱ་སྙིགས་མ་བྱུང་བའི་ཚེ། བུདྡྷའི་བསྟན་པ་མི་གནས། ཆོས་ཉིད་བདེན་པས་མི་ཐུལ། གནས་ངན་འཛིན། གོས་ངན་གོན། ཟས་ངན་ཟ།།
148a5 མཚམས་མེད་པའི་ལས་བྱེད། གདོན་དྲག་པོ་ཁོང་ནས་འཁྲུགས། དེ་ལྟའི་དུས་འོང་བས། དྲེགས་པ་ནུས་པའི་མཐུ་དང་ལྡན་པ་འདི་དག་ནི། རང་རང་གི་སྒྲུབ་པའི་ཐབས་ཞུ་ཞེས་ཞུས་པས། ཡ་མཱནྟ་ཀ
148a6 ཉིད་ཞལ་འཛུམ་པར་མཛད་ནས། ཉོན་ཅིག་དེ་ལྟ་བུ་འབྱུང་བ་ལ། བསྟན་པ་སྲུང་བའི་དྲག་སྔགས་ཞུ་བ། ལག་ན་རྡོ་རྗེ་ཁྱོད་ལེགས་སོ།། ཞེས་གསུངས་སོ།། དཔལ་དྲག་སྔགས་ཟླ་གསང་ནག་པོ
iiif viewer powered by OpenSeadragon
