| e-texts navigator |
| Wylie |
147a1 གླུ་རང་དང་། སྲིན་པོ་དྷ་ཤ་གྲཱི་བ་དང་། ཤེལ་གིང་རུ་ཀ་དཀར་པོ་དང་། བདུད་ནི་རྟག་དགུ་སྤྱན་གཅིག་དང་། ཀླུ་མོ་ཧ་བ་ཤ་བསེ་གདོང་མ་ལ་སོགས་ཏེ། ཤ་ཟ་ཁྲག་འཐུང་དང་། རུས་པ
147a2 འཆའ་བ་དང་། དབུགས་ནི་དུག་གི་མེ་ལྕེ་འབར་བ་དང་། ཁ་རླངས་དུག་གི་ཆུ་རུ་འབབས་པ་དང་། ལ་ལ་དུ། ལ་ལ་རྒོད། ལ་ལ་ཁྲོ། ལ་ལ་རྒོལ་དང་། འབོད་དང་ཆོ་དེ་རྡུང་བ་དང་།། ཀུ་ཅོ་འདོན
147a3 དང་ཙིར་སྒྲ་འདོན།། དུར་ཁྲོད་བྱ་དང་ཀང་ཀ་དང་།། ལིང་དུ་ལ་སོགས་འཁོར་དང་བཅས།། ཧ་ལ་ཧ་ལ་ཞེས་པ་དང་།། ཀྱེ་ཧུད་ཀྱེ་ཧུད་ཅེས་པ་དང་།། ཀང་ཀང་ཀེང་ཀེང་ཟེར་བ་དང་།། ཧ་ཧུ་ཧ་ཧུ་ཟེར
147a4 བའོ།། དཔལ་ཟླ་གསང་དྲག་སྔགས་བཤན་པ་སྤུ་གྲིའི་རྒྱུད་ལས། གཞི་དང་འཁོར་བསྟན་པའི་ལེའུ་སྟེ་དང་པོའོ།། །། དེ་ནས་ལག་ན་རྡོ་རྗེས་འདི་སྐད་ཅེས་གསོལ་ཏོ།། ཧེ་ཧེ་ཁྲོ་བདག་དཔལ
147a5 འབར་རྗེ།། གདུག་པ་ཅན་རྣམས་ཚར་གཅོད་པ།། ལས་དང་བྱ་བ་བཀའ་སྩོལ་མཛོད།། ཅེས་ཞུས་པས།། དཔལ་འབར་ཁྲོ་བདག་རྗེ་ཉིད་དེ། ཧཱུཾ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧྲིཿམཉྫུ་ཡ་མ་རཱ་ཛ། ཧ་ལ
147a6 ཧ་ལ། ཛཿཧཱུཾ་བཾ་ཧོཿེ་ཨཱ་ར་ལི་ཧྲཱི་ཧྲཱི། ཞེས་སྒྲ་བསྒྲགས་པས། རཀྟའི་རྒྱ་མཚོ་འཁྱོམ་འཁྲུགས་སོ།། རླུང་གི་དཀྱིལ་འཁོར་ཕྱོགས་བཅུར་ལྡེག་འཐོར་རོ།། ཀེང་རུས་རི་རབ་ཞིག་ཉིལ་ལོ།། སའི
iiif viewer powered by OpenSeadragon
