| e-texts navigator |
| Wylie |
146a1 བྷནྡ་ལྕང་ལོ་མུན་ནག་པར་འཐིབས་པར། ཉི་མ་དང་། ཟླ་བ་དང་། སྐར་མ་དང་། གཟའ་དང་། གྲངས་སྔབས་དང་། སེར་བུ་དང་། རླུང་ནག་པོའི་དྲལ་གྲབ་ཏུ་བཏང་བ། བསེ་དང་མི
146a2 རོའི་ཀ་གདུང་འཁྲོལ་བ། དུར་ཁྲོད་ཀྱི་མི་རེ་འབར་བ། དེའི་གཏིང་དུ་གཏི་མུག་གི་མུན་པར་གཏིབས་པ། ཤར་ན་ཞེ་སྡང་གི་མེ་འབར་བ། ལྷོ་ན་ང་རྒྱལ་གྱི་བྲག་རི་གཏམས་པ། ནུབ་ན་འདོད་ཆགས
146a3 ཁྲག་གི་རྒྱ་མཚོ་འཁྲུགས་པ། བྱང་ན་ཕྲག་དོག་དུག་གི་རླུང་ནག་འཁྲིགས་པ། རྒུད་འདི་མ་ཕྱི་གཅིག་སོར་བཞག་ལས་དཔེ་སྔར་ས་མ་རྙེད། དུར་ཁྲོད་ཀྱི་རོ་རུལ་བ་དང་། སྔོས་པ་དང་། བམ་པ་དང་། ཚིགས་པ་དང་རུས
146a4 པ་འབྲུལ་བ་དང་། ཆད་པ་དང་། ལྷུ་དུམ་དང་། འཕེལ་ཀ་དང་། བསྟ་དང་། གན་དང་། ཕུབ་དང་། འགྱེལ་བ་དང་། རེངས་པ་དང་། འཁུམས་པ་དང་། རོ་མ་འདྲ་བ་ཉག་ཉག་དང་ཁར་ཏག་ཏག
146a5 སེར་སེར་པོ་དང་། དེ་ལྟ་བུའི་དབུས་བསྐལ་པ་མེ་དཔུང་འབར་བའི་ཀློང་ཡངས་ན། དཔལ་ཁྲོ་མཆོག་ཡ་མཱནྡ་ཀ་ཞི་བ་ཀུན་བཟང་མཉམ་པ་ཉིད་ཀྱི་སྐྲ་ལས། ལས་ཀྱི་སྲིན་པོ་ཁྲོས་པའི་ཆ་བྱད།
146a6 རྡོ་སྟང་ཟིལ་ནག་པོ་བཅག་པའམ། དབྱར་གྱི་སྤྲིན་ལྟ་བུའི་གདུག་པ་ཅན་འདུལ་བའི་ཆ་ལུགས་སུ་བཞུགས་སོ།། དེའི་ཚེ་མཐུ་སྟོབས་ཀྱི་བདག་པོ་དཔལ་ཕྱག་ན་རྡོ་རྗེ་ཡང་གནོད་སྦྱིན་དྲེགས་པའི་གཙོ
iiif viewer powered by OpenSeadragon
