| e-texts navigator |
| Wylie |
145b1 གསང་ནག་པོའི་རྒྱུད་རྫོགས་སོ།། །། སློབ་དཔོན་བ་སུ་དྷ་ར་དང་གནུབས་ཆེན་སངས་རྒྱས་ཡེ་ཤེས་ཀྱིས་བསྒྱུར་བའོ།། @#།། རྒྱ་གར་སྐད་དུ། ཤྲི་ཙནྡྲ་གུ་ཧྱ་རུ་དྲ་མནྟ་ཀ
145b2 ལ་ཨཱ་གྷ་ཏུ་ཀ་ཀྵཱ་ར་ཏནྟ། བོད་སྐད་དུ། དཔལ་དྲག་སྔགས་ཟླ་གསང་ནག་པོ་བཤན་པ་སྤུ་གྲིའི་རྒྱུད། དཔལ་ཁྲོ་མཆོག་ཡ་མཱནྟ་ཀ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན།
145b3 ལྷོ་ཕྱོགས་གཤིན་རྗེའི་ཡུལ་རོ་མྱགས་ཆེན་པོའི་ཚལ་ན་དུར་ཁྲོད་ལྕགས་ཀྱི་ཁང་སྒྲོམ་འབར་བ། རྨང་གསེར་གྱི་གདན་ལ། ལོགས་ལྕགས་སུ་སྣང་བ། ཐོད་པའི་འབུར་ལ། རཀྟའི་ཆུ་རྒྱུན་དུ་འབབ་པ།
145b4 རྩེ་མོ་འཁོར་ལོས་བསྡམས་པ་ལ་ཞག་འཛག་པ། ཁྲག་གི་རྒྱ་མཚོ་ཁོལ་ཞིང་འཁྲུགས་པ་གནམ་ལྕགས་ཐོག་གི་ཚ་ཚ་འཕྲོ་བ། རུས་སྦལ་གྱི་མ་ཐེམ་ལ། ཆུ་སྲིན་འབར་བའི་ཁྲིགས་གཏང་བ། རོ་ཉེ་ནག
145b5 པོས་སྐྱེས་བུ་བྱས་པ། བྱ་ཁྱུང་འབར་བས་ཡ་ཐེམ་བྱས་པ། ཞིང་ཆེན་པོའི་བླ་རེ་དང་། རོ་ཆེན་པོའི་རྒྱལ་མཚན་ཕྱར་ཏེ། འདི་ལྟ་བུའི་ཆུ་སྲིན་གྱི་རྒྱལ་མཚན་དང་། སྟག་གི་རྒྱལ་མཚན་དང་། སྦྲང་ཀིའི
145b6 རྒྱལ་མཚན་དང་། བྱ་རྒོད་ཀྱི་རྒྱལ་མཚན་དང་། དོམ་དང་དྲེད་ཀྱི་རྒྱལ་མཚན་དང་། སྤྲེའུའི་རྒྱལ་མཚན་དང་། སྦལ་ནག་གི་རྒྱལ་མཚན་ཏེ། དེ་དག་ལ་སོགས་པ་ཕྱར་བ། ཙིཏྟ་སྤྲིན་ལྟར་གཏིབས་པ
iiif viewer powered by OpenSeadragon
