| e-texts navigator |
| Wylie |
142a1 ཡང་བར་ཆད་བསལ་བའི་ཕྱིར། རྨ་བྱས་བརྡེག་ཅིང་གུ་གུལ་བདུག། ཅེས་གསུངས་སོ།། སྙིང་པོ་རིགས་བཞི་དབུ་བརྒྱན་དང་།། དར་གྱི་ཅོན་པ་ན་མེ་ཏོག་ཕྲེང་།། ལོངས་སྤྱོད་ཚོགས་ཀྱི
142a2 ཞལ་ཟས་དང་།། རྟེན་གྱི་བུམ་པས་དབང་བསྐུར་བྱའོ།། དེ་ནས་དམ་ཚིག་རྟེན་འབྲེལ་གྱི་སྙིང་པོ་འདི་སྦྱིན་པར་བྱའོ།། རིགས་ལྡན་ཐོགས་མེད་རྒྱུག་པ་ཡི།། སྔགས་ལྡན་སྔགས་ཀྱི་བདག་པོ་ཁྱོད།། དེ
142a3 རིང་དམ་ཚིག་འདི་ཟུང་ལ།། ཡིད་བཞིན་རིན་ཆེན་གཏེར་བཞིན་ཆོངས།། ནམ་མཁའི་དངོས་པོ་མི་གནས་ལ།། སྣ་ཚོགས་འོད་ཀྱི་གཞི་འབྱུང་ཞིང་།། སྣང་མེད་སྤྲུལ་པའི་ངོ་བོ་ལས།། རྣམ་ཤེས་ལྡན
142a4 པའི་ཐོགས་མེད་ནི།། རྣམ་ཤེས་སྐུ་ཡི་ངོ་བོ་ལས།། ཡི་གེ་ཕྲེང་བ་ཉིད་དུ་བཀོད།། ནཱ་ག་ལི་ལི་ཏྲི་ཡ་པ་ཏྲི་སྣི་ར། ཟ་རོ་ཏྲི། ཏྲི་ཡ་ཀུ་རུ་པ་ཏྲི་ཡཾ། ཧེ་ཧེ་ཧཱུཾ་ཧཱུཾ་བྷྱོ་ཛ། ཞེས་རྟེན་འབྲེལ་གྱི་སྙིང་པོས་ཡོངས་སུ
142a5 རྫོགས་པར་བྱའོ།། དེ་བསྒྲུབ་པར་དུ་ཀླུ་ལས་གང་མི་བྱ།། དེ་ཡི་སྦྱོར་བ་ཡོངས་སུ་རྫོགས་པ་དང་།། ཀླུ་ཡི་སྦྱོར་བ་ཚང་བར་བསག་པར་བྱ།། འདི་ནི་དང་པོར་སྔོན་དུ་རབ་ཏུ་གཅེས།། དེ་ནས་ཀླུ་ཡི
142a6 སྦྱོར་བ་འདི་གསུངས་སོ།། ནཱ་ག་གནས་ཤིང་གང་ན་གནས་པའི་ས།། དེ་ཡི་དྲུང་ནས་འཇམ་པའི་ས་བླངས་ལ།། ས་མཉེན་སྦྱིན་པོ་དག་དང་མཉམ་བསྲེས་ལ།། ཀླུ་ཡི་རཱ་ཛ་དེ་ཡི་གཟུགས་བྱས
iiif viewer powered by OpenSeadragon
