| e-texts navigator |
| Wylie |
13b1 བཞི།། གཞུང་དང་མཐུན་པའི་བདེ་གནས་སུ།། རྟེན་རྫས་གཉིས་དང་མཐུན་རྫས་དང་། མཆོད་རྫས་ལིངྒའི་རྫས་ལ་སོགས།། བརྣག་པ་ཐུན་གྱི་རྫས་རྣམས་བསོག། ཅེས་གསུངས་སོ།། དེ་ནས་ཡང་འཁོར་གྱི་དང
13b2 པོས་འདི་སྐད་ཅེས་ཞུས་སོ།། འཁོར་ལོ་མཚོན་ཆེན་འབར་བ་ཡི།། རྒྱུ་དང་རྐྱེན་གྱི་ཚོན་དང་ནི།། སྲད་བུ་རབ་གནས་གང་ལགས་པ།། དཔའ་བོ་ཆེན་པོས་བཤད་དུ་གསོལ།། འཇིགས་བྱེད་ཆེན་པོས་བཀའ་སྩལ
13b3 པ།། ཉོན་ཅིག་ཟུང་ཞིག་རྡོ་རྗེ་འཛིན།། དུར་ཁྲོད་གནས་སུ་དཔའ་བོ་ཡིས།། ཀ་ལི་ཀ་པ་མ་གཏོགས་པ།། གོས་སུ་བཅད་པའི་རྒྱུ་བླངས་ལ།། ཐོད་པས་སྙིང་པོ་བཅུད་སྡུད་བྱ།། དེ་ལ་གཅོད་པའི་འཁོར་ལོ་བྲི།། དུར
13b4 ཁྲོད་གོས་ལ་བམ་ཆེན་གྱི།། སྨེ་བ་ལྔ་ཡིས་ཟད་པ་བྱ།། ནི་རང་སུ་ཡི་ཐལ་བ་ཡིས།། ཐ་མར་རྐྱང་ཐང་རྒྱ་བཅད་དེ།། མཆོག་ཕྲན་རྐང་གིས་པར་བྱས་ལ།། བམ་ཆེན་དོན་གྱི་ཁྲག་རྣམས་ཀྱིས།། རྗེས་སུ་མཐུན་པའི
13b5 འཁོར་ལོ་བྲི།། ཞེས་གསུངས་སོ།། བམ་ཆེན་ཤ་ཤ་རོ་དུ་ཧ།། ཟག་པས་སྲད་བུ་ལེགས་བྱས་ཏེ།། སྙོམས་པས་ཚད་ལྡན་ཐིག་གདབ་བྱ།། ནི་རང་སུ་དང་མང་སར་སྦྱར།། ཚོན་གསུམ་ཁ་དོག་བྱེད་པར་འགྱུར།། རུས་པ
13b6 དུ་བས་བསྡུས་པ་ནི།། འགྱུར་བ་མེད་པའི་ཚོན་དུ་བྱ།། འདུས་པའི་ཚོན་ནི་རཀྟའོ།། ཡེ་ཤེས་བྱིན་རླབས་ལྡན་པའི་ཕྱིར།། ངེས་པར་དང་དུ་བླང་བར་བྱ།། ཞེས་གསུངས་སོ།། དེ་ནས་ཡང་གསུངས་པ། ཕྱག་རྒྱ་གསལ
iiif viewer powered by OpenSeadragon
