| e-texts navigator |
| Wylie |
13a1 དགོད།། འཁོར་ལོ་རྩིབས་ཆེན་སུམ་ཅུ་དྲུག། སྔགས་ནི་མེ་དཔལ་འཁོར་ལོ་མཚོན།། འཁོར་ལོ་མེ་དཔལ་མཚོན་ཆེན་གྱིས།། ཞིང་བཅུ་མ་ལུས་གཏན་ནས་བསྲེག། ཅེས་བཀའ་སྩལ་ཏོ།། དེ་ནས་དེར
13a2 ལྷ་དགོད་པ་བསྟན་པའི་ཕྱིར། འཇིགས་བྱེད་ཆེན་པོས་བཀའ་སྩལ་པ། འཇིགས་བྱེད་རྒྱལ་པོ་གཤིན་རྗེའི་གཤེད།། སྐུ་ཡི་གཟུགས་བརྙན་བཞུགས་སུ་གསོལ།། གཡས་སུ་སྒེག་མོ་རལ་གཅིག་མ།། གཡོན་དུ་ཟ་བྱེད
13a3 བེ་ཏ་ལཱི།། གཡས་གཡོན་གཉིས་ཀྱི་ཟླ་གམ་ལ།། སྐུ་ཡི་གཟུགས་བརྙན་བཞུགས་སུ་གསོལ།། ཡང་ན་སྙིང་པོ་བྲི་བར་བྱ།། བྱང་གི་ཕྱོགས་ཀྱི་ཟླ་གམ་སྟེང་།། སྙིང་པོ་འཇིགས་བྱེད་ཡ་མ་རཱ་ཙ་ཡི།། སྐུར་བསྒོམ་མཆོག
13a4 ཕུར་སོར་གསུམ་གཟུག། ཅེས་བཀའ་སྩལ་ཏོ།། ཡང་གསང་བ་མོས་པའི་དབང་གིས་དགོད་པ་ནི། མཐར་མཛད་ཡབ་ཡུམ་དབུས་སུ་དགོད།། སྲོག་གི་གཤེད་པོ་ཡབ་ཡུམ་བཞི།། མུ་ཁྱུད་དང་པོར་དགོད་པར
13a5 བྱ།། གཉིས་ལ་ཕྱོགས་བཅུའི་ཡབ་ཡུམ་སྟེ།། བར་ཆོད་གཤེད་ཀྱི་བདུད་རྣམས་ཀྱང་།། གོང་ནས་འདུས་པའི་ཚུལ་དུ་བྱ།། སྒོ་ཡི་འཁོར་ལོར་བརྟན་མ་ཡང་སྙམ་མ་དགོད།། དེ་ནི་གནས་ཀྱི་འཁོར་ལོ་ལས།། བརྟེན་པའི་ལྷ
13a6 ཡི་འཁོར་ལོ་བསྟན།། ཡེ་ཤེས་བྱིན་བརླབ་སྟོབས་ལྡན་བྱ།། རྗེས་སུ་མཐུན་པའི་ཆོ་གར་ལྡན།། སྐད་ཅིག་སྔགས་དང་འོད་ལ་གསལ།། དེ་ནི་གནས་གཞིའི་འཁོར་ལོའོ།། ཞེས་གསུངས་སོ།། དེ་ལ་སྐྱེན་གྱི་ཡན་ལག
iiif viewer powered by OpenSeadragon
