| e-texts navigator |
| Wylie |
138a1 སེང་ན། གསེར་མིག་འབར་བ་དང་ཐབས་ཅིག་ཏུ་བཞུགས་པ་འདི་ལྟ་སྟེ། གཟི་བརྗིད་མཐའ་ཡས་དུང་སྐྱོང་དང་།། གང་པོ་ནོར་ལྡན་ལ་སོགས་དང་།། དགའ་བོ་འཇོག་པོ་མ་དྲོས
138a2 དང་།། རིགས་བཞིའི་གཙོ་བོ་ཀླུ་བརྒྱད་དེ།། སྐུ་ལ་འཁྲིལ་ཏེ་རབ་ཏུ་གནས།། གྱད་ནོར་མེད་ལ་སོགས་པའི་རྒྱན།། དར་དཔྱངས་མ་དང་པདྨའི་རྒྱན།། གཟི་བརྗིད་མ་དང་དུང་ཅན་མ།། ཀླུ་མོ་རིགས
138a3 བཞི་ལ་སོགས་པ་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་གཤིན་རྗེ་གཤེད་པོས་གཉེན་པོ་སྒྲུབ་པ་འདི་གསུངས་སོ།། དགོན་པ་དུར་ཁྲོད་མཚོ་གླིང་ངམ།། ཆུ་མིག་ནགས་ན
138a4 གནས་པའི་བར།། དཀྱིལ་འཁོར་ཆ་མཉམ་ཡིད་འོང་མ།། དྲི་སྤོས་སྨན་གྱིས་ཆག་ཆག་གདབ།། འཁོར་ལོ་རྩིབས་བཞི་མུ་ཁྱུད་ལྡན།། སྒོ་བཞི་རིགས་དང་ལྡན་པ་བྲི།། དབུས་སུ་ལག་ན་རྡོ་རྗེ
138a5 སྟེ། འཁོར་ལོ་བཞི་ལ་བྱ་ཁྱུང་བཞི།། གྲཝ་ཆད་མཆོད་པའི་བུམ་པ་བཞིན།། སྨན་ལྔ་སྒོ་ལྔ་རིན་ཆེན་ལྔ།། འབྲུ་ལྔ་མེ་ཏོག་ལྔ་ལ་སོགས།། བཅུ་གཉིས་ལྔ་ཉིད་བྱིན་གྱིས་བརླབ།། སྒོ་ལ་མཆོད་པའི
138a6 གཏོར་མ་བཞི།། བྷ་མ་ཧ་སྟི་བཅས་པ་ཡི།། སོར་མོ་ལྔ་ཡི་ཚངས་པའི་རྗེས།། མཁའ་ལྡིང་མཆོད་པའི་རྫས་སུ་གཞག། དེ་ནས་ཏིང་འཛིན་རིམ་པ་ནི།། དང་པོ་སྟོང་པའི་བྱང་ཆུབ་སེམས།། གཉིས་པ
iiif viewer powered by OpenSeadragon
