| e-texts navigator |
| Wylie |
137b1 གསུམ་སེ་རལ་ཁ།། རྩལ་འཕགས་ཁྱད་པར་དེ་བཞིན་མཐོང་།། བདག་ཅག་རྣམས་ཀྱི་དམ་ཚིག་ལྷ།། དྲག་པོའི་ཆ་བྱད་ཟླ་ལས་རྒྱལ།། དྲག་པོ་ཆེན་པོ་བཀའ་བཞིན་བགྱིད།། ཅེས་འཛེར་ཞིང་འཐོན
137b2 ནས་དམ་ཚིམ་སྨྲས་ཏེ་སྐུ་ལ་འཁྲིལ་ལོ།། ན་དུ་ཏྲ་ས་ན་དྷི་པ་ལ་དུ་ས་ནི་གར་སི་ཏི་སྭཱ་ཧ། དེ་ནས་གསེར་མིག་འབར་བ་ཡིས། ང་རྒྱལ་ཆེན་པོ་བསྟན་ཏེ། དབང་དུ་བསྡུ་ཕྱིར་དམ་ཚིག་ཕྱག་རྒྱ
137b3 བསྟན།། དང་པོ་གཉིས་ནི་ནང་དུ་བསྣོལ།། ཟླ་རྣམས་རབ་ཏུ་བརྐྱངས་པ་སྟེ། ཁྲོས་པའི་ང་རྒྱལ་འདི་བརྗོད་དོ།། ཏ་ཀི་ཛ་དེ་བྱི་ཛཿདེ་ཧཱ་ཡ་ཧཱ་ཡ། ཧུ་ལུ་ཧུ་ལུ་པུ་རུ་ཏེ་པུ་རུ་སྭཱ་ཧཱ། ཞེས་བརྗོད་ནས་ཆེ་བ
137b4 རྒྱུན་གྱི་ཏིང་འཛིན་ལ་སྙོམས་པར་ཞུགས་སོ།། དེ་ནས་རིགས་བཞིའི་ཀླུ་རྣམས་ལ།། རབ་ཏུ་ཆེ་བ་བསྟན་པའི་ཕྱིར།། ཉིད་ཀྱི་གཞལ་ཡས་ཁང་ཆེན་པོ།། རབ་ཏུ་བརྗོད་པ་འདི་ཉིད་དུ།། བྱོལ་སོང
137b5 རིགས་བཞི་དང་ཐབས་ཅིག་ཏུ་འདུག་པའི་གནས་འདི་ལྟ་སྟེ། རྒྱ་མཚོ་ཆེན་པོའི་དབུས་གནས་འབར།། རི་རབ་མཆོད་རྟེན་གཟུགས་འདྲ་ལ།། བུམ་པ་ཡིད་བཞིན་ལྕང་ལོས་བརྒྱན།། སྦྲུལ་གཉིས་དར
137b6 འཕྱང་ལྟར་བུས་མཛེས།། རིགས་བཞིའི་རྒྱན་གྱིས་རབ་ཏུ་བཀླུབས།། སྒོ་བཞི་ཀ་བརྒྱད་རབ་ཏུ་ལྡན།། དེ་འོག་སུམ་གཉིས་རབ་ཏུ་མཛེས།། བྱོལ་སོང་ལོངས་སྤྱོད་རབ་ཏུ་ལྡན།། དེ་ཉིད་བུམ་པའི་ཁོང
iiif viewer powered by OpenSeadragon
