| e-texts navigator |
| Wylie |
137a1 སའི་ཁྲག་ལ་སྦྱར་ལ་སྩལ།། གོང་གི་སྔགས་བཟླས་ལྷ་རྟེན་སྦ།། གདོན་མི་ཟ་བར་ཐོག་འབེབས་འགྱུར།། དཔལ་ཟླ་གསང་ནག་པོའི་རྒྱུད་ལས། སྲོག་གཅོད་སྤུ་གྲི་གནོད་སྦྱིན་གྱི་ཟླ
137a2 གསང་ལས་གང་བ་བཟང་པོ་གསང་བ་ལྟར་བསྒྲུབ་པའི་སྐབས་ཏེ་ལེའུ་བདུན་ཅུ་པའོ།། །། དེ་ནས་ཡང་བཅོམ་ལྡན་འདས་གཤིན་རྗེ་གཤེད་པོས། འགལ་བ་ཆམ་ལ་དབབ་སླད་དུ།། གདུག་པ
137a3 ཀླུ་ཡི་ཟླ་གསང་གསུངས།། ནུབ་ཕྱོགས་ཕོ་བྲང་རྒྱ་མཚོའི་ཆུ།། ངོ་མཚར་ཆུ་བོ་བཞི་འབབས་པ།། རབ་ཏུ་མི་སྲུན་ཀླུ་ཡི་གནས།། དེ་ཉིད་དྲེགས་པ་འདུལ་བའི་ཕྱིར།། བཅོམ་ལྡན་གཤིན་རྗེ་གཤེད་པོ
137a4 ཡིས།། ལག་ན་རྡོ་རྗེར་སྐུ་སྤྲུལ་ཏེ།། ལག་ན་རྡོ་རྗེ་ཐུགས་ཁྲོས་ཏེ།། གསེར་མིག་འབར་བའི་ང་རྒྱལ་གྱིས།། གདུག་པའི་ཀླུ་རྣམས་བྲེད་འགྱུར་ཏེ།། རབ་ཏུ་མི་སྲུན་ཀླུ་རྣམས་ཀྱིས།། རབ་ཏུ་འཛེར་ཏེ
137a5 འདི་སྐད་སྨྲས།། ཀྱེ་མའོ་རྡོ་རྗེ་གཟུགས་མཛེས་པ།། རབ་ཏུ་རྔམས་པའི་རྡོ་རྗེའི་སོ།། ལྕགས་མཆུ་འབར་བ་རབ་ཏུ་བརྗིད།། གསེར་མིག་འབར་བ་རབ་ཏུ་བགྲད།། མགོ་ལ་ཡིད་བཞིན་ནོར་བུས
137a6 བརྒྱན།། ཤེས་རབ་ཐབས་ལྡན་གཤོག་པ་བརྐྱང་།། ཐབས་ལྡན་སྡེར་མོ་རྣམ་པར་གདེངས།། ཀྱེ་མའོ།། སྐུ་སྟོད་མཆོག་གི་གཡང་གཞིས་བརྒྱན།། སྐུ་སྨད་སྦྲུལ་གྱི་ཆུན་པོས་བརྒྱན།། ཐོད་པ་ཚར
iiif viewer powered by OpenSeadragon
