| e-texts navigator |
| Wylie |
134b1 བསྣམས།། གཟས་པའི་གཟུགས་བྱས་སྙིང་གར་གཞུག། དེ་ཡི་དབུས་སུ་དོང་གྲུ་གསུམ།། རྩེ་མོ་བྱང་དུ་བལྟས་པ་ལ།། ནང་དུ་ཁྲག་དང་སོལ་བས་བྱུག། ཏིལ་གྱི་ཕྱེ་ལ་དགྲ་ཡི་གཟུགས།། མི་ཁྲག་བླ
134b2 དྭགས་བྲིས་ལ་གཞུག། ཞབས་མས་གྲིལ་ལ་ཚོན་སྐུད་བཅིང་།། གྲུ་གསུམ་བྲུས་པའི་ནང་དུ་གཞུག། མཐའ་མ་རྩང་གིས་བསྐོར་ཏེ་གཞག། གཟུགས་ཀྱི་སྐེ་ནས་སྔོ་དམར་གདགས།། སྣ་གཅིག་སྐུ་ཡི
134b3 ཞབས་ལ་གདགས།། སྔགས་པའི་མདུན་དུ་དམ་རྫས་དགྲམ།། ལ་ཕུག་རུས་ཕྱེ་སྐེ་ཚེ་ལ།། དེ་བཞིན་གཏོར་མ་བྱས་ཏེ་གཞག། ཉུང་ནག་ལན་ཚྭ་དུག་ཏུ་སྦྱར།། གཟུགས་ལ་བྲབ་ཅིང་ངན་སྔགས
134b4 བཟླས།། མ་ཉེས་དཔང་གཟུག་འོ་དོད་འབོད།། དེ་བཞིན་རིམས་པས་ལས་རྣམས་བྱ།། དུར་ཁྲོད་རས་ལ་འཁོར་ལོ་ནི།། དུག་ཁྲག་སྦྱར་བས་བྲི་བར་བྱ།། རིམ་པ་བཞིན་དུ་དྲག་སྔགས་དགོད།། སྤྱན
134b5 དྲང་བཞུགས་མཆོད་བསྟོད་པ་བྱ།། ཕྲིན་ལས་བཅོལ་ཞིང་གནད་ནས་བསྐུལ།། ལྷ་དང་ཕྲལ་ཞིང་རྫས་ཀྱིས་བདུག། དྲག་སྔགས་བཟླས་ཤིང་འཁོར་ལོ་གཞུག། གསད་པ་ལས་ཀྱི་སྦྱོར་ལ
134b6 འཇུག། གནན་བསྲེག་འཕང་བ་གསུམ་ལ་གཏད།། དཔལ་ཟླ་གསང་ནག་པོའི་རྒྱུད་ལས། སྲོག་བཅོད་སྤུ་གྲི་གནོད་སྦྱིན་གྱི་ཟླ་གསང་ལས། གང་བ་བཟང་པོ་ཕྱི་ལྟར་བསྒྲུབ་པའི་སྐབས་ཏེ་ལེའུ་རེ
iiif viewer powered by OpenSeadragon
