| e-texts navigator |
| Wylie |
134a1 ཀྱི་དོན་བསྟན་ལས་རྣམས་འགྲུབ།། གང་ལ་བྱ་ཡང་ཐོགས་པ་མེད།། དཔལ་ཟླ་གསང་ནག་པོའི་རྒྱུད་ལས། རྒྱལ་པོ་གསང་བར་བསྒྲུབ་པའི་སྒྲོ་འབོག་གི་སྐབས་ཏེ་ལེའུ་རེ་བདུན
134a2 པའོ།། །། དེ་ནས་བཅོམ་ལྡན་འདས་གཤིན་རྗེ་གཤེད་པོས། འགལ་བ་ཆམ་ལ་དབབ་སླད་དུ།། གནོད་སྦྱིན་གདུག་པའི་ཟླ་གསང་གསུངས་པ།། དད་པ་གསུམ་ལྡན་རྣལ་འབྱོར་པས།། དམ
134a3 ཚིག་རང་གི་སྲོག་བཞིན་བསྲུང་།། བླ་མ་མཉེས་པའི་རིམ་གྲོ་བྱ།། དུར་ཁྲོད་ནགས་ཚལ་དགོན་པར་འགྲོ།། ཕྱི་བཤགས་འབུམ་ལ་སོགས་པ་འདོན།། བསོད་ནམས་ཚོགས་ཀྱི་ཡན་ལག་བསག། མ
134a4 ཉེས་དཔང་གཟུག་གླུད་གཏོར་གཏང་།། གནོད་སྦྱིན་འདི་ཉིད་བསྒྲུབ་པར་བྱ།། ལྕང་ལོ་ཅན་གྱི་ཕོ་བྲང་ན།། ལས་གྲུབ་རིགས་ཀྱི་ཞིང་ཁམས་ནས།། གནོད་སྦྱིན་བྱེ་བ་ས་ཡ་གནས།། དེ་དག་ནང་ན
134a5 དྲེགས་པའི་སྐུ།། མཐུ་སྟོབས་ལྡན་པའི་གང་བཟང་བསྒྲུབ།། དཀྱིལ་འཁོར་དབུས་ཀྱི་ཁྲི་བརྩེགས་ལ།། སྟེང་དུ་གནོད་སྦྱིན་སྐུ་གཟུགས་གཞག། ཙནྡན་རིགས་ལས་འབུར་དུ་བརྐོས།། ཆུ་ཞེང་གབ་པ
134a6 གེལ་གེལ་པོ།། སྐུ་མདོག་སྔོན་པོ་གཟི་ལྡན་པ།། དབུ་སྐྲ་ལྕང་ལོ་རིན་ཆེན་བརྒྱན།། ཨུཏྤལ་སྔོན་པོའི་ཕྲེང་བས་མཛེས།། གཡས་ན་ཤིང་ཏོག་དམར་པོ་བསྣམས།། གཡོན་ན་མི་ལྤགས་རྒྱལ་མཚན
iiif viewer powered by OpenSeadragon
