| e-texts navigator |
| Wylie |
131a1 སྐྱུགས་མཱ་ར་ཡ།། དཔལ་ཟླ་གསང་ནག་པོའི་རྒྱུད་ལས། སྒྲོ་འབོག་གི་ཟླ་གསང་ལས་རྒྱལ་པོ་ནང་ལྟར་བསྒྲུབ་པའི་སྐབས་ཏེ་ལེའུ་རེ་དྲུག་པའོ།། །། དེ་ནས་ཡང་བཅོམ་ལྡན་འདས
131a2 གཤིན་རྗེ་གཤེད་པོས་རྒྱལ་པོ་གསང་བར་བསྒྲུབ་པའི་ཐབས་ཐམས་ཅད་ཀྱི་མཆོག་ཏུ་གྱུར་པ་འདི་གསུངས་སོ།། རྣལ་འབྱོར་ཡོན་ཏན་ལྡན་པ་དེས།། བླ་མ་མཉེས་པ་རབ་བྱས་ཏེ།། མགོ་ནི་རྨ་བྱ
131a3 བཞིན་དུ་དགུག། དམ་ཚིག་ཆེན་པོ་སྲོག་བཞིན་བསྲུང་།། གཞན་དོན་མ་ཡིན་རང་དོན་དུ།། དུར་ཁྲོད་ས་ཕུག་དགོན་པར་འགྲོ།། ཕྱི་བཤགས་སྡིག་སྦྱངས་བསོད་ནམས་བསགས།། མ་ཉེས་དཔང
131a4 གཟུག་གླུད་གཏོར་གཏང་།། དཀྱིལ་འཁོར་བརྩིག་ལ་ཆག་ཆག་གདབ།། ཐིག་གདབ་དཀྱིལ་འཁོར་ཆོ་ག་བྱ།། དཀྱིལ་འཁོར་མཐིང་ནག་གྲུ་གསུམ་བྲི།། འཁོར་ལོ་རྩིབས་བཞི་ཟོད་ཕྲེང་བཅས།། གྲུ
131a5 ཆད་སྒོ་བཞི་ལྡན་པ་ལ།། དུར་ཁྲོད་རྒྱན་དང་ལྡན་པ་ལ།། གྲུ་གསུམ་མེ་འོད་འབར་བ་བྲི།། སྒོ་བཞིར་གྲུ་གསུམ་རེ་རེ་བྲི།། དེ་ནས་མཆོག་གི་ཕུར་པ་དགུ།། སྲོག་བདག་དགུ་ཡི་སྔགས་བྲིས
131a6 ལ།། དབུས་སུ་དཀར་པོ་སྙིང་འབྱིན་དགོད།། རྒྱན་དང་ཆ་ལུགས་གསལ་བར་བསྐྱེད།། ཤར་ཕྱོགས་རྩིབས་ལ་ཁུ་ལེ་དགོད།། ལྷོ་ཡི་རྩིབས་ལ་ཨག་གེ་དགོད།། ནུབ་ཀྱི་རྩིབས་ལ་ཨུག་གེ
iiif viewer powered by OpenSeadragon
