| e-texts navigator |
| Wylie |
12a1 ཚུལ་གྱིས་ཡེ་ཤེས་རོལ་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་གསང་བའི་བདག་པོ་ཕྱག་ན་རྡོ་རྗེས་ཕྱི་ནང་གསང་བའི་མཆོད་པས་མཆོད་དེ་འདི་སྐད་ཅེས་གསོལ་ཏོ།། ཁྲག་འཐུང་ཆེན
12a2 པོ་འཇིགས་པའི་སྐུ།། དམ་པ་རྣམས་ལ་ཕན་བྱའི་ཕྱིར།། ཞིང་བཅུ་སྲེག་པའི་ཉི་མའི་ཚུལ།། དུག་གསུམ་གཅོད་པའི་འཁོར་ལོ་འདི།། འཇིགས་བྱེད་ཆེན་པོས་བཤད་དུ་གསོལ།། ཞེས་ཞུས་སོ།། འཇིགས་བྱེད་ཆེན
12a3 པོས་བཀའ་སྩལ་པ།། ཉོན་ཅིག་ཟུང་ཞིག་རྡོ་རྗེ་འཛིན་པ་འདུས་པའི་ཚོགས།། འཇམ་དཔལ་ཐུགས་ཀྱི་སྙིང་པོ་འདི།། སྟོང་པའི་ཡེ་ཤེས་དབུས་ཉིད་དངོས།། གསལ་བའི་ཡེ་ཤེས་བཞི་ལྡན་ཏེ། ཁམས་གསུམ་སྲེག
12a4 པའི་ཉི་མ་ཡིན།། དུག་གསུམ་གཅོད་པའི་འཁོར་ལོ་འདི།། དེ་ཉིད་དོན་དུ་རྗེས་འགྲུབ་པས།། འཇམ་དཔལ་ཐུགས་ཀྱི་འོད་ཟེར་འདི།། སྤྲུལ་པ་རང་བྱུང་དངོས་ཤར་བ།། དུས་གསུམ་རྒྱལ་བའི་བཀའ་བརྒྱུད
12a5 པའི།། སྙིང་པོ་ཐིག་པའི་འཁྲུལ་མིག་འདི།། བརྒྱད་སྤངས་བཅུ་ཐུབ་གསུམ་རིག་ཅིང་།། སྙིང་པོ་ལྡན་པས་མངོན་མིན་པ།། ངང་གིས་འཇམ་ལ་རྒྱ་ཆེ་ཞིང་། ཁམས་གསུམ་རྨི་ལམ་ལྟར་ཤེས་པ།། བསྟན་པ་སྤྱི་ཡི་བློ
12a6 སྲེད་ཅན།། བླ་མེད་བདུད་རྩི་རྗེས་བསྒྲུབ་པའི།། དཀོན་མཆོག་རྒྱལ་མཚན་ལྟ་བྱེད་པ།། དེ་འདྲེའི་བུ་ལ་མ་གཏོགས་པ། ཁ་བློ་མིང་ཙམ་བརྗོད་པ་མེད།། ཅེས་བཀའ་སྩལ་ཏོ།། དེ་ནས་འཇིགས་བྱེད་ཆེན་པོས་བཀའ
iiif viewer powered by OpenSeadragon
