| e-texts navigator |
| Wylie |
124b1 བཅས་པའི།། དམ་བཅས་བཞིན་དུ་ཕྲིན་ལས་མྱུར་དུ་གྱིས།། རྣལ་འབྱོར་བདག་དང་བདག་གི་འཁོར་རྣམས་ལ།། ཁྱེད་ཀྱི་ཞལ་ནས་བདུད་རྩིའི་ཆར་ཕོབ་ལ།། ནད་སོགས་སྡུག་བསྔལ་ཚོགས་ནི་ཞི
124b2 བཔར་མཛོད།། ཚེ་དང་བསོད་ནམས་ལོངས་སྤྱོད་འཕེལ་བར་མཛོད།། ཟང་ཟིང་ལོངས་སྤྱོད་འབྲུ་ཡི་ཕུང་པོ་དང་།། རིན་ཆེན་རྐང་འགྲོས་ཕྱུགས་རྣམས་འཕེལ་བར་མཛོད།། བླ་མ་སྨོད་ཅིང་དཀོན
124b3 མཆོག་དབུ་འཕང་སྨོད།། བདག་ལ་དགེ་བའི་བར་ཆད་བྱེད་པའི་དགྲ།། ཁྱོད་ཀྱིས་ཁོང་ནས་དུག་གི་རླུང་བུས་ལ།། འདུ་བ་རྣམ་བཞིའི་ནད་ནི་འདུ་རུ་ཆུག། བག་བཞི་ས་ལ་ལྷུང་ནས་རྡེབས་སུ
124b4 ཆུག། དོན་སྙིང་རྣམ་ལྔ་ཁོང་ནས་ཁྲག་སྐྱུགས་ཆུག། ལས་ངན་འཁོར་ཚོགས་ཆོ་ངེས་བརྡུང་དུ་ཆུག། མཁའ་ལྡིང་རྒྱལ་པོའི་ཚོགས་ཀྱིས་ལྟས་ངན་ཕོབ།། དམ་བཅས་བཞིན་དུ་ཕྲིན་ལས་མྱུར་དུ་གྲུབ
124b5 པར་མཛོད།། ཅེས་བསྟོད་ཅིང་ཕྲིན་ལས་བཅོལ་གྱུར་ན།། གང་འདོད་རིམས་ནད་ཕྱོགས་སུ་འབེབས།། མ་མོས་སྲོག་བསྡུས་ཏེ་གསད་པར་བྱའོ།། དཔལ་ཟླ་གསང་ནག་པོའི་རྒྱུད་ལས། ཡམས་ནད
124b6 ཀྱི་བདག་མོ་མ་མོའི་ཟླ་གསང་གི་སྐབས་ཏེ་ལེའུ་རེ་གསུམ་པའོ།། །། དེ་ནས་བཅོམ་ལྡན་འདས་གཤིན་རྗེ་གཤེད་པོས་འདི་སྐད་གསུངས་སོ།། འགལ་བ་ཆམ་ལ་འབེབས་འདོད་པས།། ནད་ངན
iiif viewer powered by OpenSeadragon
