| e-texts navigator |
| Wylie |
124a1 གཞལ་ཡས་ན།། ཉི་ཟླ་བརྩེགས་པའི་དཀྱིལ་འཁོར་ག་བུར་འབར།། ཕྱོགས་བཅུའི་འཇིག་རྟེན་དྲུག་གི་བཅུད་བསྡུས་ནས།། ཉི་མའི་དཀྱིལ་འཁོར་དག་ལ་ཐིམ་མཛད་མ། དུག་གི་རླངས
124a2 པས་ནག་པོའི་ཕྱོགས་རྣམས་ཀྱི།། བཞི་བརྒྱ་རྩ་བཞིའི་ནད་ནི་ཁོང་ནས་བསླངས།། དེ་ཕྱིར་ནད་ཀྱི་བདག་མོ་དམ་ལ་འདུ།། ཕྱོགས་བཅུའི་འཇིག་རྟེན་བདུད་རྩིའི་བཅུད་བསྡུས་ནས།། ཟླ་བའི་དཀྱིལ
124a3 འཁོར་དག་ལ་ཐིམ་མཛད་མ།། བདུད་རྩི་བསླངས་པས་དཀར་པོའི་ཕྱོགས་རྣམས་ཀྱི།། བཞི་བརྒྱ་རྩ་བཞིའི་ནད་ནི་རྩད་ནས་གཅོད།། དེ་ཕྱིར་བདུད་རྩི་སྨན་གྱི་རྒྱལ་མོ་དམ་ལ་འདུ།། གང་ཞིག་ཁྱོད
124a4 ལ་དད་ན་མ་བས་བྱམས།། དེ་ཕྱིར་མ་གཅིག་ནད་འཇོམས་སྨན་གྱི་གཙོ།། ལྷ་མོ་ཁྱོད་ལ་རྟག་ཏུ་བདག་གིས་བསྟོད།། རྒྱལ་བ་ཤཱཀྱ་ཐུབ་པའི་སྤྱན་སྔ་རུ།། དུས་འདིར་བདག་གིས་དམ་བཅས་ཇི་སྲིད
124a5 དུ།། དཀར་པོའི་ཕྱོགས་ཀྱི་ནད་དང་སྡུག་བསྔལ་སོགས།། ཞི་བར་བྱེད་ཅིང་ཚེ་དང་ལོངས་སྤྱོད་སྡུད།། ནག་པོའི་ཚོགས་ནི་དགུག་ཅིང་དབང་དུ་སྡུད།། སྤྲོ་འབོག་ལྐུགས་པའི་ལས་འདི་མྱུར་དུ
124a6 བགྱི།། བསྟན་པ་བསྲུང་ཕྱིར་མྱུར་དུ་གྲུབ་པར་བགྱི།། འདི་ལས་འདས་ན་རྒྱལ་བའི་བཀའ་བསླུས་པས།། དུས་གསུམ་རྒྱལ་བའི་རྡོ་རྗེས་མགོ་དང་སྙིང་འགེམས་ཤོག། དེ་སྐད་རྒྱལ་བའི་སྤྱན་སྔར་དམ
iiif viewer powered by OpenSeadragon
