| e-texts navigator |
| Wylie |
123b1 གཉིས་ལྕགས་སྒྲོག་དག་གིས་མཛེས་པར་བརྒྱན། ཁྲག་ཞགས་ཐིག་ལེ་མང་པོས་ཚོམ་བུར་བྲིས།། བོང་གཞོན་ནས་མཚན་མོ་དུར་ཁྲོད་རྒྱུ།། བོང་བུའི་རྨིག་པ་གློག་གི་ཤུགས་འཆང་མ། ཁམས་གསུམ
123b2 སྐད་ཅིག་ཙམ་གྱིས་འཁོར་བར་བྱེད།། སྐད་ནི་དུང་དང་འབྲུག་གི་སྒྲ་སྒྲོགས་ཤིང་།། མ་མོ་མཁའ་འགྲོ་ཤ་ཟ་དབང་དུ་སྡུད།། ལྷོ་ཕྱོགས་གཤིན་རྗེའི་ཕོ་བྲང་རྟག་ཏུ་གནས།། དམ་པའི་ས་ནས་གཟུགས
123b3 སྐུ་གཉིས་གཟིགས་མ།། ཏིང་འཛིན་དབང་ཐོབ་གཟུགས་ཁམས་གནས་སུ་བྱོན།། ཚངས་པའི་རྒྱལ་པོ་སོགས་ཀྱིས་ཕྱག་བྱས་མ།། གཞན་འཕྲུལ་དབང་བྱེད་ཡ་ཐར་བྱོན་པའི་ཚེ།། དབང་ཕྱུག་ཆེན
123b4 པོའི་སྐུ་ལ་དགྱེས་འཁྲིལ་བ།། སུམ་ཅུ་རྩ་གསུམ་ཚར་བཞི་བྱོན་པའི་ཚེ།། ལྷ་རྣམས་དབུགས་ཕྱུང་བརྒྱ་བྱིན་ཕྱག་བྱས་མ།། ལྷ་མ་ཡིན་རྣམས་ཕུང་བར་བྱེད་པའི་ཚེ།། ལྷ་མིན་རྒྱལ་པོ་ཀུན་གྱིས་ཕྱག
123b5 བྱས་མ།། སྐུ་མདོག་རི་རབ་ཆེ་དང་འགྲན་པའི་ཚེ།། ལྟེ་བའི་ཐད་ཀའི་ཕྱོགས་ནས་ཉི་ཟླ་འཆར།། རྒྱལ་ཆེན་ཕྱོགས་སྐྱོང་ལྷ་ཡིས་ཕྱག་བྱས་མ།། རྒྱ་མཚོའི་གཏིང་ནས་མེ་འབར་མཚོ་སྐེམ་མ།། ས་འོག
123b6 དབང་པོ་ཀུན་གྱིས་ཕྱག་བྱས་མ།། ལྷ་མོ་ཁྱོད་ཀྱི་ཆོ་འཕྲུལ་སྐུར་བསྟན་པས།། བདུད་དང་གཤིན་རྗེའི་རྒྱལ་པོ་འདར་ཞིང་ལུད།། མ་མོ་མཁའ་འགྲོ་ཤ་ཟ་སྔངས་ཤིང་བརྒྱ་ལ།། ཙིཏྟ་རིན་ཆེན་གུར་ཕུབ
iiif viewer powered by OpenSeadragon
