| e-texts navigator |
| Wylie |
121a1 ཁ་རུག་ཤ་ཤ་མ་སོད། སྲོག་བྲུཾ་ནརྀ་ནི་རྦད་སོད། ནེ་ནི་ཡ་ཙ་ཟུམ་སོད། གང་གྲུབ་རྟགས་དང་སྦྱར་ཏེ་གསད།། དེ་ནས་ཐུན་དང་འཁོར་ལོ་དེ།། མཆོད་རྟེན་བུམ་པར་སྩལ་བར་བྱ།། ཆུ་མིག
121a2 ནང་གནན་དབང་ཡང་གཟུག། ཡབ་ཡུམ་འོག་གི་གཟུགས་མིང་ལ།། རང་རང་ཕུར་པའི་སྔགས་ཀྱིས་གསད།། དཀྱིལ་འཁོར་འབྲུབ་ཁུང་ནང་དུ་གནན།། སྙིང་ལ་རྟེན་བཅའ་གཏོར་མ
121a3 གཏང་།། དཔལ་ཟླ་གསང་ནག་པོའི་རྒྱུད་ལས། ནད་ངན་དབབ་པ་མ་མོའི་ཟླ་གསང་སྐབས་ཏེ་ལེའུ་རེ་གཉིས་པའོ།། །། དེ་ནས་བཅོམ་ལྡན་འདས་གཤིན་རྗེ་གཤེད་པོས་འགལ་བ་ཆམ་ལ་དབབ
121a4 སླད་དུ།། མ་མོ་སྟོང་གི་ལས་མཁན་མ།། ནག་མོ་མི་ཕམ་སྲིད་གསུམ་མགོན།། དཔལ་ལྡན་ནག་མོ་རེ་མ་ཏི།། ནད་ཀྱི་བདག་མོའི་ཟླ་གསང་གསུངས།། དང་པོར་མཆོད་དང་སྡིག་བཤགས
121a5 སོགས།། རིམ་པ་ཇི་བཞིན་སྟོང་མཐར་བསྒོམ།། འབྱུང་བ་རིམ་ལྔའི་གཞལ་ཡས་བསྐྱེད།། སེམས་ཀྱི་རང་བཞིན་གཤེད་པོ་སྟེ།། སྙིང་ལས་འཕྲོས་ཏེ་སྤྱན་དྲངས་ཏེ།། སྦྱངས་སྤར་རྟོགས་པས་གཏོར་མ
121a6 བརླབ།། སྲོག་གི་སྙིང་པོ་དབུལ་བར་བྱ།། རཀྟའི་རྒྱ་མཚོ་དེ་ཡིས་བརླབ།། བར་དུ་སྐུལ་ཚིག་གང་རུང་བསྐུལ།། དེ་ནས་བསྒྲུབ་པར་བྱ་བ་ནི།། དཀྱིལ་འཁོར་མཐིང་ནག་གྲུ་གསུམ་ལ།། ཟླ་གམ
iiif viewer powered by OpenSeadragon
